Հայաստանի Օլիմպիական հավաքականի մարզիկների վերջին խումբը մեկնեց Ռիո Ucom–ի հովանավորությամբ
ԵՐԵՎԱՆ, 12 օգոստոսի. /ԱՌԿԱ/. Հայաստանի ազգային օլիմպիական հավաքականի վերջին խումբն ուղևորվեց օլիմպիական մայրաքաղաք՝ Ռիո դե Ժանեյրո Ucom ընկերության հովանավորությամբ, հայտնում է հաղորդակցային օպերատորի մամուլի ծառայությունը։
31-րդ ամառային Օլիմպիական խաղերին մասնակցող հայ ըմբիշներ Արսեն Ջուլֆալակյանը, Արթուր Ալեքսանյանը, Մաքսիմ Մանուկյանը, Միհրան Հարությունյանը ուղևորվել են Երևան-Դոհա-Ռիո դե Ժանեյրո չվերթով:
Ըմբիշների թիմի գլխավոր մարզիչն է Լևոն Ջուլֆալակյանը, մյուս մարզիչները` Էդուարդ Սահակյանը, նաև՝ Սամվել Գևորգյանը։
Ըմբիշներին ճանապարհելու էին եկել նրանց հարազատները և բարեկամները:
«Ռիո մեկնող ըմբիշներին տոկունություն ենք մաղթում և մեծ սպասումներ ունենք նրանցից», - նշել է Ucom ընկերության բրենդի զարգացման և հաղորդակցման բաժնի ղեկավար՝ Աշոտ Բարսեղյանը։