Հայաստանի գյուղնախարարությունը «Ոսկե բանալի» մրցանակի է արժանացել որպես լավագույն կայք
28.09.2015,
20:45
«Ոսկե բանալի» մրցանակի է արժանացել Հայաստանի գյուղատնտեսության նախարարության կայքը` հաղթելով «Տեղեկություն տրամադրող լավագույն պաշտոնական կայք» անվանակարգում։
ԵՐԵՎԱՆ, 28 սեպտեմբերի. /ԱՌԿԱ/. «Ոսկե բանալի» մրցանակի է արժանացել Հայաստանի գյուղատնտեսության նախարարության կայքը` հաղթելով «Տեղեկություն տրամադրող լավագույն պաշտոնական կայք» անվանակարգում։
Գյուղատնտեսության փոխնախարար Արմեն Հարությունյանին պարգևը հանձնել է Տեղեկատվության ազատության կենտրոնի ղեկավար Շուշան Դոյդոյանը։
Հաղթողների թվում են նաև` Կոտայքի մարզպետարան, որը դարձել է «Տեղեկատվության ազատության մասին» օրենքը լավագույնս կիրառող գերատեսչություն և Հայաստանի արդարադատության փոխնախարար Սուրեն Քրմոյանը, ով ճանաչվել է «Տեղեկատվության ազատության լավագույն ռեֆորմատոր»։ -0-