Հայ մեդիափորձագետը նախազգուշացնում է ադրբեջանցի հաքերների նոր հարձակումների մասին
ԵՐԵՎԱՆ, 20 փետրվարի. /ԱՌԿԱ/. Հայ մեդիափորձագետ Սամվել Մարտիրոսյանը նախազգուշացնում է ադրբեջանական նոր կիբերհարձակման մասին։
Ըստ նրա, հարձակումը սպասվում է փետրվարի 26-ին, ընդ որում, ինչպես նշում է Մարտիրոսյանը, գրոհը կլինի ինչպես կայքերի, այնպես էլ Facebook-ի վրա։
«Շատ հավանական է, որ ձեզ արդեն կոտրել են, սպասում են, որ օրը գա` հրապարակեն։ Այնպես որ, մի սեղմեք անիմաստ հղումների վրա, անծանոթ ֆայլեր մի բացեք»,– նախազգուշացրել է մասնագետը։
Երկուշաբթի Արցախում Սահմանադրական փոփոխությունների հանրաքվե է անցկացվում։ Հանրաքվեն նախատեսում է երկրի անվանման փոփոխություն և անցում կիսանախագահական համակարգից նախագահական իշխանավարման։ Մայր օրենքը կոչվելու է Արցախի Հանրապետության Սահմանադրություն։ Այսպիսով, փաստացի, փոխվում է երկրի անվանումը։ Միաժամանակ նշվում է, որ «Արցախի Հանրապետություն» և «Լեռնային Ղարաբաղի Հանրապետություն» անվանումները նույնական են։ -0-