Հայ ուսանողները կարող են արհեստական բանականության տեխնոլոգիաներ սովորել Թայբեյում
ԵՐԵՎԱՆ, 7 հոկտեմբերի. /ԱՌԿԱ/. Հայկական և թայվանյան բուհերի միջև ընդլայնվում է արհեստական բանականության կիրառման, մասնավորապես, գյուղատնտեսությունում դրա օգտագործման ուղղությամբ գործակցությունը։ Այս մասին երկուշաբթի Երևանում հայտարարեց Տեղեկատվական տեխնոլոգիաների և ծառայությունների համաշխարհային դաշինքի (WITSA) նախագահ Իվոն Չուն։
«Հենց այդ գործակցության շրջանակում բազմաթիվ հայ ուսանողներ հնարավորություն կունենան սովորել Թայբեյում»,– ասաց նա WCIT-2019 Տեղեկատվական տեխնոլոգիաների համաշխարհային համաժողովում։
Նա միաժամանակ ասաց, որ արհեստական բանականության տեխնոլոգիաների զարգացումը չպետք է վախեցնի մարդկությանը, երկուշաբթի Երևանում հայտարարեց Տեղեկատվական տեխնոլոգիաների և ծառայությունների համաշխարհային դաշինքի (WITSA) նախագահ Իվոն Չուն։
«Մենք չպետք է վախենանք նոր տեխնոլոգիաներից, քանի որ դրանք մեր կյանքն ավելի լավն են դարձնում։ Մենք պետք է հիշենք, որ մենք ենք դրանք կառավարում, այլ ոչ թե դրանք` մեզ, քանի որ հենց մենք ենք մարդիկ, այլ ոչ թե նրանք»,– ընդգծեց WITSA–ի նախագահը։
Նրա խոսքով, արհեստական բանականության ստեղծման ապագան խոստումնալից է և հետաքրքիր։ -0-