Գարնանային տոներին ընդառաջ Ucom-ը Unity փաթեթները ներկայացնում է հատուկ պայմաններով
ԵՐԵՎԱՆ, 5 մարտի․/ԱՌԿԱ/․ Հայաստանում լավագույն ֆիքսված ցանց ունեցող* Ucom-ը գարնանային տոներին ընդառաջ ներկայացնում է իր լավագույն Unity առաջարկներն առավել շահավետ պայմաններով՝ բաժանորդներին տրամադրելով նոր հնարավորություններ տան ինտերնետի, հեռուստատեսության և բջջային ծառայությունների միասնական փաթեթից օգտվելու համար, հաղորդում է Ucom ընկերության մամուլի ծառայությունը։
Մարտ ամիսը Ucom-ում մեկնարկում է հատուկ առաջարկներով՝ նախատեսված ինչպես առցանց, այնպես էլ սպասարկման գրասենյակներում միացող բաժանորդների համար։ Մարտի 1-ից սկսած՝ ցանկացած Unity սակագնային պլանին առցանց բաժանորդագրվելու դեպքում հաճախորդները կստանան ծառայությունից 2 ամիս անվճար օգտվելու հնարավորություն։ Առաջարկը գործում է Unity բոլոր սակագնային պլանների համար և հնարավորություն է տալիս օգտվել տան ինտերնետից, հեռուստատեսությունից և բջջային ծառայություններից առավել շահավետ պայմաններով։ Առաջարկը գործում է մինչև ապրիլի 30-ը ներառյալ։
Բացի այդ, մարտի 8-ից սկսած՝ Ucom-ի բոլոր սպասարկման գրասենյակներում Unity սակագնային պլաններին միանալու դեպքում հաճախորդները կստանան 2 ամիս 50% զեղչով օգտվելու հնարավորություն։ Առաջարկը գործում է մինչև ապրիլի 7-ը ներառյալ։
«Մենք կարևորում ենք բաժանորդների հարմարավետությունն ու ժամանակակից ծառայություններից օգտվելու հասանելիությունը։ Այդ նպատակով մենք շարունակաբար զարգացնում ենք մեր ցանցն ու ծառայությունների առաջարկները, որպեսզի ապահովենք ամբողջական և կայուն կապի ու ժամանցի փորձառություն` մեկ միասնական թվային էկոհամակարգում», — նշել է Ucom-ի գլխավոր տնօրեն Ռալֆ Յիրիկյանը։
Գարունը լավագույն ժամանակն է նոր հնարավորությունների համար՝ ընտրեք Unity, օգտվեք Ucom-ի գարնանային հատուկ առաջարկներից։
*Ucom-ը N1 օպերատորն է Հայաստանում՝ ամենաարագ շարժական ինտերնետով և լավագույն ֆիքսված ցանցով (Ookla® Speedtest Intelligence®-ի 2025 թվականի 2-րդ կիսամյակի տվյալների հիման վրա), որն առաջարկում է ինտերնետ, IPTV և OTT հեռուստատեսություն, ֆիքսված և շարժական կապի ծառայություններ, ինչպես նաև կոնվերգենտ փաթեթներ։