Վիվասել–ՄՏՍ–ի բաժանորդներն ավելի քան երկու անգամ պակաս կվճարեն Հայաստանից ԱՄՆ և Կանադա զանգելու համար
ԵՐԵՎԱՆ, 2 դեկտեմբերի. /ԱՌԿԱ/. Դեկտեմբերի 1-ից մինչև 2015 թ.-ի հունվարի 31-ը «Քառյակ», «Դուետ» և «SIP Talk» սակագնային պլանների բաժանորդները հնարավորություն ունեն ՎիվաՍել-ՄՏՍ ֆիքսված 060 ցանցից զանգահարելու ԱՄՆ և Կանադա 4,9 դրամ/րոպե սակագնով՝ նախկին 13,99 դրամի փոխարեն:
ՎիվաՍել-ՄՏՍ-ի հասարակայնության հետ կապերի բաժինը հայտնում է, որ «Քառյակ» սակագնային պլանի շրջանակներում զանգ կատարելիս հեռախոսահամարն այժմ կարելի է հավաքել հետևյալ ձևաչափով՝ 00 [երկրի կոդ] [հեռախոսահամար]:
ՎիվաՍել-ՄՏՍ (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0-