e-citizen.am էլեկտրոնային պորտալն է գործարկվել Երևանում

ԵՐԵՎԱՆ, 15 դեկտեմբերի. /ԱՌԿԱ/.  Երևանում գործարկվել է e-citizen.am էլեկտրոնային պորտալը, հայտնեցին Հայաստանի կառավարության մամուլի ծառայությունից։

Պորտալը զանազան ծառայություններով էլեկտրոնային կաբինետ է ։ 

Մասնավորապես, Հայաստանի` նույնականացման քարտ ստացած յուրաքանչյուր քաղաքացի պետությունից ստանում է @e-citizen.am ռեսուրսում էլեկտրոնային անվճար փոստ ստանալու հնարավորություն, որը համարվում է քաղաքացիների և պետության միջև շփման պաշտոնական միջոց։

Գրանցվելով համակարգում` քաղաքացիները կկարողանան պետության անունից իրենց ուղարկվող իրազեկումներ ստանալ նաև էլեկտրոնային տարբերակով։

Միաժամանակ, բոլոր գրանցված օգտագործողները կկարողանան իրենց իրազեկումները վերահսացեավորել անձնական էլեկտրոնային փոստ կամ ստանալ դրանք SMS-հաղորդագրությունների տեսքով։ 

Քաղաքացիները նաև հնարավորություն են ստանում մշտապես հետևելու իրենց անձնական տվյալներին, որոնք պահվում են տվյալների պետական բազայում։ 

Բոլոր այն քաղաքացիները, որոնք նույնականացման քարտերի միջոցով միացել են համակարգին, կարող են նամակագրություն հաստատել պետական մարմինների հետ «Ներկայացնել հայտ» բաժնում` միաժամանակ պորտալից ուղարկվող ամբողջ նամակագրությունը համարվում է պաշտոնական։

Պորտալում հասանելի են նաև բոլոր հրապարակային իրազեկումները, որոնք պետական մարմինները պարտավոր են հրապարակել։ Կարելի է նաև իրազեկումների ծառայության բաժանորդագիր դառնալ էլեկտրոնային փոստով։

«Հայաստան-էլեկտրոնային կառավարման համակարգային զարգացում» ծրագիրը մեկնարկել է 2012 թ. (տևողությունը` 24 ամիս): Այն ֆինանսավորվում է Եվրոպական միության կողմից, արժեքը 1.4 մլն եվրո է: -0-