Beeline–ը վաճառքի և սպասարկման նոր գրասենյակ է բացել Ավանում

ԵՐԵՎԱՆ, 10 դեկտեմբերի. /ԱՌԿԱ/. Beeline–ը վաճառքի և սպասարկման նոր գրասենյակ է բացել Ավանում։

Ինչպես հաղորդում է ընկերության մամուլի ծառայությունը, վաճառքի և սպասարկման նոր գրասենյակը գտնվում է Իսահակյան թաղամաս 1բ/1 հասցեում: Գրասենյակն աշխատում է առանց ընդմիջման երկուշաբթիից-ուրբաթ` ժամը 9:00-20:00-ը, իսկ շաբաթ օրերին` 09:00-18:00-ը:

«Աշխատելով «Պարզ, հարմար, քեզ համար» կարգախոսի ներքո`     մենք կատարելագործում ենք ոչ միայն մեր ծառայություններն, այլև մեծ ուշադրության ենք դարձնում մեր բաժանորդների սպասարկման որակին: Վստահ եմ, որ նոր գրասենյակում թաղամասի բնակիչների համար մեր ծառայություններից օգտվելը կդառնա ավելի հաճելի և հարմարավետ», - նշել է Հայաստանում Beeline-ի գլխավոր տնօրեն Անդրեյ Պյատախինը։   

Beeline բջջային, ֆիքսված և ինտերնետ ծառայության բաժանորդները կարող են դիմել նոր գրասենյակ ընկերության կողմից մատուցվող ծառայություններին վերաբերող ցանկացած հարցով:

Beeline-ն այսօր Հայաստանում ունի ամենախոշոր սեփական  վաճառքի և սպասարկման գրասենյակների ցանցերից մեկը։ Ներկայումս Հայաստանում գործում է 79 գրասենյակ, որոնցից 53-ը` մարզերում, իսկ 26-ը` Երևանում։

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։–0–