Beeline Ստարտափ Ինկուբատորն ամփոփել է առաջին ինկուբացիոն ցիկլի ընթացիկ արդյունքները
ԵՐԵՎԱՆ, 16 հուլիսի./ԱՌԿԱ/. Beeline Ստարտափ Ինկուբատորն Աղվերանում ամփոփեց առաջին ինկուբացիոն ցիկլի միջանկյալ արդյունքները։
Առաջին ցիկլի 10 թիմերից 8-ը հաղթահարել են նախատեսված 4 փուլերից երկուսը, հաղորդում է Beeline–ի մամուլի ծառայությունը։
Կիրակնօրյա ոչ պաշտոնական միջոցառման ժամանակ հայտարարվեցին երկրորդ փուլի գնահատականները, որոնց համաձայն 3-րդ փուլ են տեղափոխվում 8 ստարտափներ։ Դրանցից մեկը հավաքել է նվազագույն շեմին մոտ արդյունք և ինկուբատորի կանոններին համաձայն պետք է հաջորդ փուլի ժամանակ բարձրացնի իր ցուցանիշները՝ ինկուբացիոն ցիկլը շարունակելու համար։
Պաշտոնական մասից հետո ստարտաթների ներկայացուցիչներն, ինկուբատորի աշխատակիցներն ու մենթորները ունեցել են հնարավորություն միմյանց հետ շփվելու և ակտիվ խաղեր կազմակերպվելու։ Ավարտվել է միջոցառումը ֆուտբոլի աշխարհի առաջնության եզրափակչի դիմումով։
«Մեր Ինկուբատորում առաջին անգամ է ուսուցում կազմակերպում ստարտաթփների համար, և մեզ համար շատ կարևոր է ամեն ինչ անել պատշաճ մակարդակով։ Նման ոչ պաշտոնական, անմիջական շփումը մեզ թույլ է տալիս ավելի լավ ճանաչել մեր ինկուբատորի մասնակիցներին, հասկանալ նրանց կարիքներն ու խնդիրները, ապագայում բոլոր անհրաժեշտ գիտելիքները նրանց տրամադրելու նպատակով», - նշել է Հայաստանում Beeline գլխավոր տնօրեն Անդրեյ Պյատախինը։
Նշենք, որ անցած երկու փուլերի ընթացքում ռեզիդենտներն անցել են թրենինգներ մասնավորապես մարքեթինգի, PR-ի, շուկայի գնահատման, նպատակների գնահատման և թիմի ձևավորման ու զարգացման թեմաներով։ Ապագայում նրանք ուսումնասիրելու են իրավական դաշտի, ֆինանսական պլանավորման և գումարների ներգրավման հնարավորությունների հետ կապված հարցեր։
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–