Beeline-ը նվազեցնում է 2 սակագնային փաթեթներից դեպի Ռուսաստան կատարվող զանգերի արժեքը
ԵՐԵՎԱՆ, 29 հոկտեմբերի. /ԱՌԿԱ/. Beeline-ը նվազեցնում է «Զանգառատ» և «Զանգառատ 5» սակագնային փաթեթներից դեպի Ռուսաստան կատարվող զանգերի արժեքը, հաղորդեցին ընկերության մամուլի ծառայությունից:
Այժմ դեպի Ռուսաստանի Beeline բջջային ցանց կատարվող ելքային զանգի մեկ րոպեի արժեքը կազմում է 25 դրամ` նախկին 35-ի փոխարեն:
«Զանգառատ» և «Զանգառատ 5» սակագնային փաթեթների գործարկմամբ Beeline-ն իր սակագնային քաղաքականության մեջ ներառեց սոցիալական պատասխանատվության բաղադրիչ: Մենք բաժանորդներին առաջարկեցինք ոչ միայն պարզ ու հասկանալի պայմաններ, այլ նաև շահվետ սակագներ: Մենք շարունակում ենք կատարելագործել մեր սոցիալական առաջարկը` բաժանորդներին տրամադրելով ինչպես Հայաստանում, այնպես էլ Ռուսաստանում և ԱՊՀ այլ երկրներում իրենց հարազատների և բարեկամների հետ շփվելու առավելագույնս հասանելի պայմաններ», - նշել է Հայաստանում Beeline-ի Գլխավոր տնօրեն Անդրեյ Պյատախինը։
«Զանգառատ 5» սակագնային փաթեթը բաժանորդներին հնարավորություն է տալիս Երևանից դուրս գտնվելիս կատարել զանգեր դեպի Հայաստանում Beeline-ի բոլոր բջջային համարներ 5 դրամ/րոպե սակագնով: Դեպի Ռուսաստանի Beeline բջջային ցանց կատարվող ելքային զանգերը տարիֆիկացվում են 25 դրամ/րոպե սակագնով, եթե բաժանորդը գտնվում է Երևանից դուրս: Երևանից դեպի Հայաստանի բոլոր բջջային ցանցեր, ինչպես նաև դեպի Beeline ֆիքսված ցանց կատարվող զանգերը տարիֆիկացվում են 29,99 դրամ/րոպե սակագնով:
Նշենք, որ «Զանգառատ 5» սակագնային փաթեթի միացման վճարը 500 դրամ է: Այլ սակագնային փաթեթներից «Զանգառատ 5»-ին անցնել կարելի է 067408005 համարի միջոցով: Անցման վճարը կազմում է 200 դրամ։
Լրացուցիչ տեղեկատվություն կարելի է ստանալ www.beeline.am կայքում կամ ընկերության մոտակա վաճառքի և սպասարկման գրասենյակում:
ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։
«ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։–0–