Beeline-ի «Բի Ին Ռոումինգ» խաղարկության հաղթողները ստացան իրենց մրցանակները
ԵՐԵՎԱՆ, 3 օգոստոսի. /ԱՌԿԱ/. Beeline-ի «Բի Ին Ռոումինգ» խաղարկության հաղթողներն այցելեցին ընկերության վարչական գրասենյակ, որտեղ ստացան իրենց մրցանակները, հայտնում է ընկերության մամուլի ծառայությունը։
Մրցույթը և խաղարկությունն անցկացվել են հուլիսի 19-ից 31-ը։ Մասնակցելու համար անհրաժեշտ էր Beeline Armenia ֆեյսբուքյան պաշտոնական էջում խաղարկության մասին համապատասխան գրառման տակ թողնել «Ռոումինգ փաթեթ» ծառայությունը նկարագրող հետաքրքիր և դրական մեկնաբանություն, որը կպարունակեր «ռոումինգ» բառը։
15 ամենաշատ like հավաքած մեկնաբանությունները մասնակցել են խաղարկությանը, որի արդյունքում Random.org պատահական ընտրանքի կայքի օգնությամբ, որը բացառում է ցանկացած միջամտության հնարավորություն, հերթականությամբ ընտրվել են երեք հաղթողները:
«Այսպիսով՝ Արթուր Խաչատրյանը շահել է ուղևորություն դեպի Եգիպտոս երկու անձի համար, իսկ Արմինե Հարությունյանը և Քրիստինե Պեպելյանը՝ մեկական Xiaomi Redmi 5A սմարթֆոն», – նշվում է տարածած հաղորդագրությունում։
«Բի Ին Ռոումինգ» մրցույթի հաղթողներին մրցանակները հանձնել է Հայաստանում Beeline-ի Գլխավոր տնօրեն Անդրեյ Պյատախինը, այնուհետև նրանց համար կազմակերպվել է շրջայց Beeline-ի նոր գրասենյակում։
«Մենք միշտ ուրախ ենք հյուրընկալել մեր սիրելի բաժանորդներին, հատկապես այսպիսի հաճելի առիթով։ Հուսով եմ՝ այս մրցանակները ձեզ համար առիթ կդառնան ևս մեկ անգամ օգտվելու մեր պարզ, հարմար և մատչելի ռոումինգ ծառայություններից և ճանապարհորդությունների ժամանակ մշտապես կապի մեջ լինելու ձեր հարազատների հետ», - նշեց Հայաստանում Beeline-ի Գլխավոր տնօրեն Անդրեյ Պյատախինը։
Մանրամասն տեղեկություններ մրցույթի վերաբերյալ կարող եք գտնել www.beeline.am կայքում:
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:–0–