Beeline-ի ֆիքսված հեռախոսներից անվճար շնորհավորեք հաղթանակի օրը
ԵՐԵՎԱՆ, 7 մայիսի. /ԱՌԿԱ/. Beeline-ը հայտարարում է Շուշիի ազատագրման օրվա առթիվ տոնական ակցիայի անցկացման մասին, հայտնում է ընկերության մամուլի ծառայությունը:
2018 թ. մայիսի 9-ին ժամը 00:00-ից մինչև 23:59-ը Beeline-ի ֆիքսված ցանցից դեպի ԼՂՀ ֆիքսված և բջջային ցանցեր զանգերը կլինեն անվճար։
«Մենք ցանկանում ենք, որպեսզի մեր բաժանորդները կարողանան առանց գումարի մասին մտահոգվելու շնորհավորել իրենց հարազատներին և բարեկամներին հաղթանակի օրվա կապակցությամբ: Beeline-ը պարբերաբար վերանայում է սակագները և անակնկալներ է մատուցում իր ֆիքսված հեռախոսակապի բաժանորդներին, և այս մեկը սպասվող բազմաթիվ անակնկալներից մեկն է», - նշել է Հայաստանում Beeline-ի Գլխավոր տնօրեն Անդրեյ Պյատախինը։
Հիշեցնենք, որ Beeline ֆիքսված հեռախոսակապի բաժանորդները մինչև 2019 թ.-ի հունվարի 15 կարող են ուղիղ զանգեր կատարել դեպի Ռուսաստանի Beeline բջջային ցանց, ինչպես նաև զանգահարել Ռուսաստանի ֆիքսված ցանցեր 15 դր/րոպե սակագնով:
«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո:-0-