Beeline-ի բաժանորդներին հասանելի է դարձել 4G ռոումինգը 28 երկրում
ԵՐԵՎԱՆ, 9 հունիսի. /ԱՌԿԱ/. «ԱրմենՏել» ՓԲԸ–ն (ապրանքանիշը` Beeline) հայտարարում է ռոումինգ գործընկերների քանակի նշանակալի ընդլայնման մասին:
Ընկերության մամուլի ծառայության հաղորդմամբ, Beeline-ի բաժանորդներին LTE/4G բջջային ցանցի ծածկույթ ապահովող երկրների ցանկն ավելացել է 15-ով, որտեղ ներառվել են, մասնավորապես, Գերմանիան, Հունաստանը, ԱՄԷ, Ֆրանսիան, Ճապոնիան և այլ երկրներ:
«4-րդ սերնդի նոր տեխնոլոգիաները բաժանորդներին ընձեռել են նոր և որակյալ ծառայությունների հնարավորություն և այնպիսի ինտերնետի արագություն, որը մի քանի անգամ գերազանցում է նախկինում հասանելիի սահմանները: Beeline-ը բավականին ակտիվորեն ներգրաված է այս գործընթացին և բացի սեփական LTE/4G բջջային կապի ցանցի ծածկույթն ընդլայնելուց, ավելացնում է ռոումինգ գործընկերների քանակը՝ առաջարկելով իր բաժանորդներին օգտվելել 4G ռոումինգի ծառայություններից այլ երկրներում», - նշեց Հայաստանում Beeline-ի գլխավոր տնօրեն Անդրեյ Պյատախինը։
Նշենք, որ Beeline-ի ռոումինգ գործընկերների ցանկում ընդգրկված են 425 օպերատոր՝ 176 երկրում:
Ընկերությունից զգուշացնում են, որ 4G ռոումինգից օգտվելու համար բաժանորդը պետք է ունենա 4G ցանցում աշխատող սմարթֆոն և USIM-քարտ:
Լրացուցիչ տեղեկատվություն Beeline ռումինգի մասին կարելի է ստանալ www.beeline.am կայքում, հաղորդագություն ուղարկելով Facebook ցանցում Beeline Armenia պաշտոնական էջին, զանգահարելով 0611 անվճար համարին կամ մոտակա Beeline գրասենյակներում:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-