Beeline-ի 100 Մբիթ/վրկ ինտերնետն այժմ հասանելի է Նորք-Մարաշում և Շենգավիթում
ԵՐԵՎԱՆ, 13 օգոստոսի․ /Նովոստի-Արմենիա/․ Beeline-ը տեղեկացնում է, որ ընկերության 100 Մբիթ/վրկ գերարագ ինտերնետին կարող են միանալ Նորք-Մարաշ և Շենգավիթ համայնքների բնակիչները:
Ժամանակակից VDSL տեխնոլոգիայի շնորհիվ ինտերնետի արագությունը դարձել է գրեթե 20 անգամ ավելի արագ քան նախկինում, ինչը նաև թույլ է տալիս բաժանորդներին տրամադրել թվային հեռուստատեսության նոր ծառայություններ և ապահովել ավելի բարձր որակ:
«Մենք շարունակում ենք զարգացնել VDSL ցանցը և ձգտում ենք ամենա կարճ ժամանակում անել ամեն ինչ, որպեսզի հնարավորինս շատ մարդ կարողանա նույն գնով միանալ մի քանի անգամ ավելի արագ ինտերնետին: Տասնյակ հազարավոր տներում և բնակարաններում արդեն օգտվում են Beeline-ի VDSL կապից, և հետադարձ կապը ցույց է տալիս մեր հաճախորդների բարձր գոհունակությունը: Այժմ Նորք-Մարաշի և Շենգավիթի բնակիչներն էլ կարող են փորձարկել ինտերնետի նոր արագությունները և թվային հեռուստատեսության նոր որակը», - նշեց Հայաստանում Beeline-ի գլխավոր տնօրեն Անդրեյ Պյատախինը։
Beeline-ի VDSL ինտերնետի հասանելիությունը կարելի է ստուգել և միացման հայտ թողնել 100.beeline.am կայքում: Միացումը կկատարվի մինչև 3 աշխատանքային օրվա ընթացքում:
Լրացուցիչ տեղեկատվություն կարելի է ստանալ www.beeline.am կայքում, հաղորդագրություն ուղարկելով Facebook սոցիալական ցանցում Beeline Armenia պաշտոնական էջին, զանգահարելով 0611 անվճար համարին կամ Beeline-ի մոտակա վաճառքի և սպասարկման գրասենյակում։
«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: 2007թ.–ի ապրիլից «ՎԵՈՆ Արմենիա» ՓԲԸ–ի 100% –ը (ավելի վաղ «ԱրմենՏել» ՓԲԸ) պատկանում է Veon ընկերությունների խմբին։ «ՎԵՈՆ Արմենիան» տրամադրում է ֆիքսված և բջջային կապի ծառայություններ։–0–