Անօդաչու ռոբոտների մրցույթի եզրափակիչը կանցկացվի մայիսին Երևանում
ԵՐԵՎԱՆ, 18 ապրիլի. /ԱՌԿԱ/. Անօդաչու ռոբոտների մրցույթի եզրափակիչը կանցկացվի մայիսին Երևանում, հայտնում է Հայաստանի ինֆորմացիոն տեխնոլոգիաների ձեռնարկությունների միության (UITE) մամուլի ծառայությունը։
Մրցույթն անցկացնում է UITE–ն ArmRobotics ռոբոտների հայկական առաջնության ծրագրի շրջանակում։
Մրցույթն անցկացվում է երեք փուլով` գրանցում, կիսաեզրափակիչ և եզրափակիչ։ Գրանցման փուլը մեկնարկել է նոյեմբերի 8–ից։ Այդ փուլում գաղափարների բոլոր հեղինակները հնարավորություն են ունեղել խորհրդատվություն ստանալ ժյուրիի կազմում ընդգրկված փորձագետների հետ։
Մրցույթի կիսաեզրափակիչն անցկացվել է փետրվար–մարտին։
Եզրափակչի հաղթողներին մայիսին կորոշի պրոֆեսիոնալ ժյուրին։ Ծրագրվում է, որ հաղթողները դրամական խոշոր մրցանակներ կստանան Ucom ընկերության մրցույթի գործընկերոջից։
Անօդաչու ռոբոտների առաջին մրցույթը Հայաստանում անցկացվել է 2013 թվականին։ Մասնակիցները մշակել և պատրաստել են թռչող սարքեր, որոնք ուսումնասիրում են տարածքը, զանազանում են առցանց ռեժիմով պատկերներ փոխանցող նշաններ։ Թռիչքն ու վայրէջքը կարող էր իրականացվել ինչպես ինքնակառավարման, այնպես էլ հեռակառավարման միջոցով։ -0-