Յիրիկյան. VivaCell-MTS–ը դարձել է Honor աշխարհահռչակ բրենդի բացառիկ գործընկերը Հայաստանում (ՎԻԴԵՈ)
ԵՐԵՎԱՆ, 1 փետրվարի. /ԱՌԿԱ/. VivaCell-MTS ընկերությունը դարձել է Honor աշխարհահռչակ բրենդի բացառիկ գործընկերը Հայաստանում։ Այս մասին հինգշաբթի տեղեկացրեց ընկերության գլխավոր տնօրեն Ռալֆ Յիրիկյանը ընկերության նոր սմարթֆոնի` Honor 9 Lite–ի պաշտոնական շնորհանդեսի ժամանակ։
Honor–ը սմարթֆոնների առաջատար ապրանքանիշերից է, որը ներառված է Huawei ընկերության կազմում։ Սկզբում Honor անվանումը ստացել է Huawei–ի կողմից 2011 թ.–ին թողարկված սմարթֆոններից մեկը։ 2013 թ.–ի վերջում որոշում է ընդունվել Honor–ը դարձնել ինքնուրույն բրենդ։
«Մեր ընկերությունը դարձավ Honor ապրանքանիշի տեսականու վաճառքի բացառիկ գործընկերը Հայաստանում` ներառյալ Honor 9 Lite մոդելն ու դրան հաջորդող նոր մոդելների շարքը: Մեր սպասարկման կենտրոնների ընդարձակ ցանցը թույլ կտա առավել լայնորեն ներկայացնել Honor բրենդի նորարարական և սպառողի համար գրավիչ առաջարկները Հայաստանի շուկայում», – ասաց Յիրիկյանը։
Միաժամանակ նա նշեց, որ Honor 9 Lite–ը և հետագա բոլոր մոդելները Հայաստանում կվաճառվեն նույն գնով, ինչ գործընկեր այլ երկրներում, մասնավորապես` Ռուսաստանում։
«Honor 9 Lite–ի վաճառքը կմեկնարկի փետրվարի 14–ին։ Սմարթֆոնը հնարավոր կլինի ձեռք բերել 127 900 դրամով ՎիվաՍել-ՄՏՍ-ի սպասարկման կենտրոններում, ինչպես կանխիկ, այնպես էլ ապառիկ:»
Առավել մանրամասն` «ԱՌԿԱ» գործակալության տեսանյութում։–0–