Վերջին սերնդի կոնտակտ կենտրոն՝ ОMNI Channel

ԵՐԵՎԱՆ, 30 նոյեմբերի. /ԱՌԿԱ/. Նոյեմբերի 29-ին կայացավ Նիկիտա Մոբայլի կողմից մատուցվող նոր ծառայության՝ ОMNI Channel-ի շնորհանդեսը, որին ներկա էին ֆինանասաբանկային ընկերությունների ներկայցուցիչներ, հայտնում է ընկերության մամուլի ծառայությունը::

OMNIchannel-ը երրորդ սերնդի կոնտակտ կենտրոն է: Կոնտակտ կենտրոնի գաղափարը անցել է էվոլյուցիայի մի քանի փուլ: Սկզբում՝ այն իրենից ներկայացնում էր միայն զանգերի սպասարկում, հետագայում՝ դրանց ավելացան նաև կայքերում տեղադրված live-չաթերը և էլ.փոստը: Այժմ այն ենթադրում է տարատեսակ կապի միջոցների միավորում մեկ համակարգում` հաճախորդի հետ անխափան և շարունակական կապն ապահովելու համար:

Ինպես նշեց Նիկիտա Մոբայլ ընկերության հիմնադիր՝ Արա Յաղջյանը. «Նիկիտա Մոբայլ ՍՊԸ-ն, լինելով նորարական ընկերություն, հետևում է շուկայի աճող պահանջարկին և իր մատուցած ծառայությունները համալրել է նոր` OMNI channel Call Center ծառայությունով: Ունենալով ավելի քան 10 տարվա փորձ և Հայաստանում խոշորագույն զանգերի կենտրոններից մեկը, մենք վաղուց ենք զգացել այս ծառայության անհրաժեշտությունը: Տեխնոլոգիաների զարգացումը բերում է նրան, որ մարդկանց առավել հարմար է օգտվել մեսինջերներից, քան հեռախոսներից, իսկ փորձը ցույց է տալիս, որ զանգահարողների գրեթե կեսը հարցադրում են հաճախակի տրվող հարցեր: OMNI channel նախագիծը, այս առումով, հետևում է ժամանակակից տենդեցներին և թույլ է տալիս նվազեցնել զանգերին պատասխանող աշխատակիցների ծանրաբեռնվածությունը:Ծառայության լուծումները բավականին հետաքրքիր են և նոր հայաստանյան շուայի համար»:

«Այն Ձեզ տալիս է հայտնի մեսսենջերների և վեբ կայքերի հաղորդագրությունների առցանց մշակման հնարավորություն (Telegram, Facebook Messenger, Web չաթ/Live չաթ), որի շնորհիվ Դուք մշտական կապի մեջ կլինեք Ձեր հաճախորդների հետ», - նշվում է տարածած հաղորդագրությունում:

OMNIchannel-ի կարևոր առավելություննեից է ինքնասպասարկման ծառայություններ՝ բոտերը, որն իրենից ներկայացնոմ է, չաթերի սցենարների կոնստրուկտորների միջոցով կազմակերպվող, ինքնասպասարկման տարբեր ծառայություններ՝ այսպես կոչված բոտեր: Նման ծառայությունները կարող են օգտակար լինել ավտոմատ ռեժիմում հաշվիչների ցուցումները ստանալու, ինտերնետ խանութում պատվերի կարգավիճակը պարզելու, բժշկի մոտ կամ ֆիթնես ակումբում հերթագրվելու և այլ նպատակների համար: Դա թույլ է տալիս էականորեն կրճատել հաճախորդներին տեղեկատվություն տրամադրելու ժամանակը:

Նիկիտա Մոբայլ ՍՊԸ-ն իր հաճախորդների հետ մշտական կապի մեջ է Telegram, Facebook մեսսենջերների և Web չաթի միջոցով: Առաջիկայում նախատեսում են նաև ծառայությունը մատուցել Viber և Zangi մեսսենջերների միջոցով:

«Նիկիտա Մոբայլ Արմենիա» ընկերությունը հիմնադրվել է 2007 թ.-ին, ներառված է Nikita Group ընկերությունների խմբի մեջ և Հայաստանում VAS-ծառայությունների առաջատար փրովայդերն է: Ընկերությունը կառավարման ամբողջական ծառայություններ է առաջարկում՝ կոնտենտի և VAS-ծառայությունների հետ կապված նախագծերի մշակման, ներդրման և տեխնիկական աջակցության համար: Լայն հնարավորություններ կան MMS, WAP, GPRS, SMS, J2ME, USSD, IVR, Bluеtооth, շարժական հեռուստատեսության, վիդեո-որոնման նախագծերի լայնամասշտաբ իրագործման համար:

Կառուցողական համագործակցություն է հաստատվել Հայաստանում գործող հեռահաղորդակցությունների և բջջային կապի բոլոր օպերատորների հետ (ArmenTel-Beeline, VivaCell-MTS և Orange Armenia):-0-