Ucom-ում գործում են շարժական ինտերնետի 10 ԳԲ և 30 ԳԲ ծավալով uDrift կանխավճարային սակագնային պլանները
ԵՐԵՎԱՆ, 26 օգոստոսի. /ԱՌԿԱ/. Ucom-ն առաջարկում է միանալ շարժական ինտերնետի երկու նոր՝ uDrift 2900 և uDrift 4900 կանխավճարային սակագնային պլաններից մեկին։ uDrift 2900 սակագնային պլանն ընտրելիս բաժանորդները կստանան 10 ԳԲ գերարագ ինտերնետ 30 օրվա ընթացքում սպառելու համար, իսկ uDrift 4900 սակագնային պլանով կտրամադրվի 30 ԳԲ գերարագ ինտերնետ 30 օր վավերականությամբ։ Այդ մասին հայտնում է ընկերութան մամուլի ծառայությունը:
«Այս առաջարկը կհետաքրքրի հատկապես հայրենիք ժամանող մեր մտերիմներին, ովքեր միանալով uDrift կանխավճարային ինտերնետի սակագնային պլաններից մեկին կստանան շարժական ինտերնետի շատ գիգաբայթեր շահավետ պայմաններով միայն այն ամիսներին, երբ ցանկանում են: uDrift-ը բավականին մեծ ժամանակահատվածում օպտիմալ ծավալի գերարագ ինտերնետից օգտվելու շահավետ հնարավորություն է», - նշել է Ucom ընկերության համահիմնադիր և գլխավոր տնօրեն Հայկ Եսայանը։
Նշվում է նաև, որ առաջարկին միանալու և սակագնային պլաններն ակտիվացնելու համար անհրաժեշտ է այցելել Ucom-ի սպասարկման կենտրոններից մեկը։ Եթե գերարագ ինտերնետի ծավալն սպառվել է 30 օրվա ժամկետից շուտ, ապա գերարագ ինտերնետի ծավալը հնարավոր է վերաակտիվացնել՝ հավաքելով *111*4# կամ *111*5#:
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից: Համագործակցելով համաշխարհային գերհզոր ընկերությունների հետ` «Յուքոմը» կարողացել է իր հաստատուն դիրքը գրավել Հայաստանի հեռահաղորդակցման շուկայում:–0-