Բացվել է Ucom-ի գլխամասային սպասարկման կենտրոնը

ԵՐԵՎԱՆ, 12 ապրիլի./ԱՌԿԱ/. Այսօր հյուսիսային պողոտայում նոր տեսքով և առաքելությամբ վերաբացվել է Օրանժ Արմենիայի արդեն ռեբրենդավորված սպասարկման կենտրոնը՝ այսպիսով եզրափակելով ռեբրենդինգի ողջ գործընթացը, հաղորդում է ընկերության մամուլի ծառայությունը։  

Որպես նոր Ucom-ի խորհրդանիշ և գլխամասային սպասարկման կենտրոն՝ հյուսիսային պողոտայի սրահը այսօրվանից կսպասարկի բոլոր բաժանորդներին:

Ինչպես արդեն նշվել էր, Օրանժ Արմենիայի բոլոր մարզային և երևանյան սրահները կվերափոխվեն Ucom-ի՝ նոր բրենդով, խորհրդանիշով և նոր քաղափարներով:

Այսուհետ Օրանժ Արմենիայի, իսկ այժմ արդեն Ucom-ի բաժանորդներն իրենց բոլոր հարցերով պետք է դիմեն Ucom-ի սպասարկման կենտրոններ:

Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015 թ.–ի սեպտեմբերին Ucom ընկերությունը ձեռք բերեց Orange Armenia բջջային ընկերության (ապրանքանիշը` Orange) բաժնետոմսերի 100 տոկոսը, որը France Telecom–ի նախկին դուստրն էր և գործում է հայական շուկայում 2009 թ.–ի նոյեմբերի 5–ից։ –0–