ՎիվաՍել-ՄՏՍ-ի «STARTPHONE 20 500» ՍՊ–ին բաժանորդագրվելու դեպքում Samsung Galaxy A8 (2018) սմարթֆոնը հնարավոր է ստանալ 1 դրամով
ԵՐԵՎԱՆ, 7 մարտի. /ԱՌԿԱ/. ՎիվաՍել-ՄՏՍ-ի «STARTPHONE 20 500» սակագնային պլանին 24 ամսով բաժանորդագրվելով, ֆիքսված 20 500 դրամ ամսավճարի դիմաց, բաժանորդն ամսական կստանա 10 000 րոպե ներցանցային խոսելաժամանակ, 200 րոպե դեպի ՀՀ այլ ցանցեր և 15 000 ՄԲ ինտերնետ, հաղորդում է ընկերության մամուլի ծառայությունը։
Նշված ժամկետով սակագնային պլանին բաժանորդագրվելու դեպքում «Samsung Galaxy A8 (2018)» սմարթֆոնը կարելի է ստանալ 1 դրամով:
Փաթեթով շրջանակում տրամադրվում է 10 000 րոպե ներցանցային խոսելաժամանակ, 200 րոպե խոսելաժամանակ դեպի ՀՀ այլ ցանցեր, 15 000 ՄԲ ինտերնետ, հաղորդում են ընկերությունից։
2018 թվականին արտադրված Samsung Galaxy A8 (2018) նորաոճ մոդելն ունի կրկնակի SIM քարտի հնարավորություն, բարակ իրան (8.4 մմ) և կշռում է ընդամենը 172 գրամ: Սմարթֆոնն առջևի մասում ունի 2՝ 8 և16 մեգապիքսել տեսախցիկ և 32 ԳԲ ներքին հիշողություն:
Նոր սմարթֆոնը կարելի է ձեռք բերել ՎիվաՍել-ՄՏՍ-ի սպասարկման կենտրոններում կամ պատվիրել ՎիվաՍել-ՄՏՍ-ի առցանց խանութից: Սմարթֆոնն առկա է 3 գույներով՝ սև, կապույտ և ոսկեգույն:
««STARTPHONE 20 500» սակագնային պլանը նախատեսված է այն բաժանորդների համար, ովքեր նախընտրում են նորաոճ սմարթֆոն և հաճախ են օգտվում ինտերնետից՝ մասնավորապես սոցիալական ցանցերից: Բացի օնլայն շփման լայն հնարավորություններից, այս սակագնային պլանը ներառում է նաև րոպեներ՝ ցանցից դուրս և ներցանցային զանգեր կատարելու համար, ինչը հնարավորություն է տալիս միշտ լինել կապի մեջ: Առհասարակ, մենք ստեղծել ենք «STARTPHONE» սակագնային պլանները՝ համատեղելով սմարթֆոնը և բջջային ծառայությունները մեկ փաթեթում, դարձնելով դյուրին թե՛ վճարման, թե՛ բաժանորդագրության գործընթացը», - ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Մանրամասն տեղեկություններ ստանալու համար կարելի է օգտվել www.mts.am կայքից, զանգահարել 111անվճար հեռախոսահամարով, հաղորդակցվել «111 օնլայն» պորտալի միջոցով կամ այցելել ՎիվաՍել-ՄՏՍ-ի սպասարկման կենտրոններից որևէ մեկը:
ՎիվաՍել-ՄՏՍ-ը («ՄՏՍ Հայաստան» ՓԲԸ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0-