Աշխարհում նշվում է SMS-հաղորդագրության 20-ամյակը
03.12.2012,
12:29
Դեկտեմբերի 3-ին նշվում է 20 տարին` առաջին SMS-հաղորդագրությունն ուղարկելու օրվանից. 1992թ.-ին բրիտանական հեռահաղորդակցական ընկերության աշխատակից Նիլ Պեպուորթը նախօրոք շնորհավորեց գործընկերոջը Ծննդյան տոների առթիվ, գրում է http://www.bbc.co.uk-ը:
ԵՐԵՎԱՆ, 3 դեկտեմբերի. /ԱՌԿԱ/. Դեկտեմբերի 3-ին նշվում է 20 տարին` առաջին SMS-հաղորդագրությունն ուղարկելու օրվանից. 1992թ.-ին բրիտանական հեռահաղորդակցական ընկերության աշխատակից Նիլ Պեպուորթը նախօրոք շնորհավորեց գործընկերոջը Ծննդյան տոների առթիվ, գրում է http://www.bbc.co.uk-ը:
Այդ պահից աշխարհում մի քանի տրիլիոն կարճ տեքստային հաղորդագրություն է ուղարկվել:
Վերջին շրջանում SMS-ների մրցակից են դառնում հաղորդագրությունների նոր տեսակները: Սմարթֆոնների համար նախատեսված հավելվածները թույլ են տալիս բաժանորդներին անվճար նամակագրություն կատարել, ինչը փոքր-ինչ նվազեցրել է «հոբելյարի» ծառայության ճանաչվածությունն այնպիսի երկրներում, ինչպիսին է Մեծ Բրիտանիան և ԱՄՆ-ն: -0-