Ռուս տիեզերագնացն առաջին անգամ սելֆի է նկարել բաց տիեզերքում
08.02.2016,
11:56
Ռուս տիեզերագնաց Սերգեյ Վոլկովը «ВКонтакте» սոցցանցի իր էջում հրապարակել է իր գործընկեր Յուրի Մալենչենկոյի սելֆին։
ԵՐԵՎԱՆ, 8 փետրվարի. /ԱՌԿԱ/. Ռուս տիեզերագնաց Սերգեյ Վոլկովը «ВКонтакте» սոցցանցի իր էջում հրապարակել է իր գործընկեր Յուրի Մալենչենկոյի սելֆին, որը նկարել է բաց տիեզերքում։ Բորտինժեները հրապարակել է նաև տիեզերքում նկարված այլ լուսանկարներ, հաղորդում է hi-tech.mail.ru–ն։
Տիեզերանավի հրամանատար Յուլի Մալենչենկոյի համար սա վեցերորդ թռիչքն է դեպի տիեզերք, այն մեկնարկել է 2015 թ.–ի դեկտեմբերի 15–ին։ Տիեզերագնացը հինգ անգամ եղել է բաց տիեզերքում։ Ընդ որում թռիչքներից մեկը տևել է ավելի քան վեց ժամ։
Սերգեյ Վոլկովը 157 օր է` Միջազգային տիեզերակայանում է։ Նա տիեզերք է թռչել երրրոդ անգամ 2015 թ.–ի սեպտեմբերի 2–ին «Սոյուզ ՏՄԱ–15մ» տիեզերանավով։ Վերադարձը նախատեսված է մարտի 2–ին։ –0–