RT հեռուստաալիքով մարտին կմեկնարկի Ջուլիան Ասանժի հեռուստանախագիծը
25.01.2012,
14:31
WikiLeaks կայքի հիմնադիր Ջուլիան Ասանժի «Վաղվա աշխարհը» (The World Tomorrow) բացառիկ նախագիծը եթեր կհեռարձակվի մարտին՝ Russia Today (RT) ռուսական հեռուստաալիքով, չորեքշաբթի հաղորդում է հեռուստաալիքի մամուլի ծառայությունը:
ԵՐԵՎԱՆ, 25 հունվարի. /ԱՌԿԱ/. WikiLeaks կայքի հիմնադիր Ջուլիան Ասանժի «Վաղվա աշխարհը» (The World Tomorrow) բացառիկ նախագիծը եթեր կհեռարձակվի մարտին՝ Russia Today (RT) ռուսական հեռուստաալիքով, չորեքշաբթի հաղորդում է հեռուստաալիքի մամուլի ծառայությունը:
Ըստ RT տվյալների՝ նախագծի շրջանակներում նախատեսված է տասը հարցազրույցներից բաղկացած ծրագիր, որոնցից յուրաքանչյուրի ժամանակաչափումը կկազմի 26 րոպե, հաղորդում է «ՌԻԱ Նովոստին»:
«Հաղորդավար և գաղափարի հեղինակ Ջուլիան Ասանժը կհյուրընկալի քաղաքական գործիչների և հեղափոխականների՝ բոլոր նրանց, ովքեր ըստ նրա՝ կձևավորեն վաղվա օրակարգը»,- նշվում է հաղորդագրության մեջ: -0-