Ռոստելեկոմը չի նախատեսում առաջիկայում մտնել Հայաստանի բջջային կապի շուկա
ԵՐԵՎԱՆ, 24 դեկտեմբերի. /ԱՌԿԱ/. «Ռոստելեկոմ» ԲԲԸ–ն չի նախատեսում առաջիկայում Հայաստանի շուկայում բջջային կապի ծառայություններ մատուցել, «ԱՌԿԱ» գործակալությանը տեղեկացրեց GNC-ALFA» CJSC ընկերության գլխավոր տնրեն Հայկ Ֆարամազյանը։
«Առաջիկայում Հայաստանում բջջային ծառայություններ մատուցելու վերաբերյալ ընկերությունը ծրագրեր չունի»,–ասաց Ֆարամազյանը։
Միաժամանակ նա նշեց, որ տվյալ պահին ընկերությունը ֆիքսված հեռախոսակապի և հեռահաղորդակցությունների ծառայությունների տրամադրման լիցենզիա ունի։
2012թ. դեկտեմբերից ՀՀ-ում հեռահաղորդակցության ոլորտի առաջատար օպերատորներից մեկը՝ GNC-ALFA ՓԲԸ-ն, հաջողությամբ տրամադրում է ինտերնետ հասանելիության և ֆիքսված հեռախոսակապի ծառայություններ մանրածախ շուկայում «Ռոստելեկոմ» ապրանքանիշի ներքո:
2013թ.–ի վերջին ընկերության ծառայությունները հասանելի են Երևանի վեց վարչական շրջանում և երկրի 15 քաղաքներում։ Հանրապետության ամբողջ տարածքում գործում է վաճառքի և սպասարկման 16 խանութ-սրահ։ 2013թ.–ի վերջի դրությամբ` Ռոստելեկոմի ծառայությունների բաժանորդների թիվը Հայաստանում կազմում է շուրջ 10 հազար մարդ։ –0–