Հայաստանի պաշտպանության նախարարությունը կարևորում է Microsoft–ի հետ համագործակցությունը կիբեռհանցավորության դեմ պայքարում
15.12.2014,
19:57
ՀՀ պաշտպանության նախարար Սեյրան Օհանյանը «Մայքրոսոֆթ» ընկերության հասարակական անվտանգության և ազգային անվտանգության ու պաշտպանության հարցերով տարածաշրջանային տնօրեն Ռոբերտ Կոսլայի հետ հանդիպման ժամանակ կարևորել է ընկերության հետ համագործակցությունը կիբեռհանցավորության դեմ պայքարում։
ԵՐԵՎԱՆ, 15 դեկտեմբերի. /Նովոստի–Արմենիա/. ՀՀ պաշտպանության նախարար Սեյրան Օհանյանը «Մայքրոսոֆթ» ընկերության հասարակական անվտանգության և ազգային անվտանգության ու պաշտպանության հարցերով տարածաշրջանային տնօրեն Ռոբերտ Կոսլայի հետ հանդիպման ժամանակ կարևորել է ընկերության հետ համագործակցությունը կիբեռհանցավորության դեմ պայքարում։
«ՀՀ պաշտպանության նախարար Սեյրան Օհանյանը նշել է, որ տեղեկատվական անվտանգության շուրջ ներկա մարտահրավերները հաղթահարելի են միայն միահամուռ ուժերով»,– հայտնում է գերատեսչության մամուլի ծառայությունը։
Պաշտպանական գերատեսչության ղեկավարը կարևորել է կիբեռանվտագության և տեղեկատվական տեխնոլոգիաների ոլորտներում համագործակցության շրջանակների ընդլայնումն ու փորձի փոխանակումն առաջատար այնպիսի ընկերության հետ, ինչպիսին «Մայքրոսոֆթ»-ն է:–0–