Համացանցում հայտնվել է iPhone 8–ի նոր պատկերը (ՖՈՏՈ)
ԵՐԵՎԱՆ, 9 օգոստոսի. /ԱՌԿԱ/. Տարբեր սարքերի մասին տեղեկության արտահոսքի հրապարակման վրա մասնագիտացող Էվան Բլաս բլոգերն օգոստոսի 8–ին Twitter–ի իր միկրոբլոգում հրապարակել է պաշտպանիչ ծածկաշապիկով iPhone 8 սմարթֆոնի նոր պատկերը, հայտնում է newsru.com–ը։
Նկարի վրա պատկերված սմարթֆոնն ընդհանուր առմամբ համապատասխանում է iPhone 8–ի մասին լուրերին։ Այսպես, սարքն ունի անշրջանակ էկրան, որը զբաղեցնում է գործնականորեն ամբողջ դիմային մակերևույթը, երկու դիմային տեսախցիկներ, որոնք կարող են օգտագործվել տիրոջ դեմքը տարբերակելու համար, և այն չունի մատնահետքի լուսանցման ներկառուցված տնային կոճակ։
iPhone 8 (encased) pic.twitter.com/9LpARCAML2
— Evan Blass (@evleaks) 8 августа 2017 г.
Միաժամանակ, հարկ է նշել, որ սարքի պատկերումը, ամենայն հավանականությամբ, ստեղծվել է գծանկարային խմբագրի օգնությամբ` iPhone 8–ի տեսքի մասին առկա լուրերի հիման վրա։
Հիշեցնենք, որ Apple–ի նոր սմարթֆոնի շնորհանդեսը, հավանաբար, կանցկացվի սեպտեմբերի սկզբին, սակայն նախորդ շաբաթ Financial Times թերթը հայտնել է iPhone 8–ի շնորհանդեսն ավելի ուշ ժամկետ տեղափոխելու հավանականության մասին` սարքի պարահաների արտադրության և առաքման խնդիրների պատճառով։
Ըստ լուրերի, iPhone 8–ի հետ միասին Apple–ը նաև կներկայացնի iPhone 7s և 7s Plus սարքերը, որոնք չնչին կտարբերվեն Apple–ի ներկա սերնդի սմարթֆոններից, այլ նաև, ինչպես և iPhone 8–ը, կստանան անլար լիցքավորման տեխնոլոգիայի հնարավորություն։ -0-