Հունիսի 1-ին երեխաների մուտքի տոմսը Կենդանաբանական այգի կլինի անվճար՝ ՎիվաՍել-ՄՏՍ-ի աջակցությամբ
01.06.2018,
13:42
Այսօր՝ հունիսի 1-ին երեխաների մուտքի տոմսը Կենդանաբանական այգի կլինի անվճար՝ ՎիվաՍել-ՄՏՍ-ի աջակցությամբ:
ԵՐԵՎԱՆ, 1 հունիսի. /ԱՌԿԱ/. Երևանի կենդանաբանական այգուց տեղեկացնում են, որ այսօր՝ հունիսի 1-ին երեխաների մուտքի տոմսը Կենդանաբանական այգի կլինի անվճար՝ ՎիվաՍել-ՄՏՍ-ի աջակցությամբ, հայտնում է ընկերության մամուլի ծառայությունը։
«Հիշեցնենք, որ Երեխաների պաշտպանության միջազգային օրվա առթիվ Երևանի կենդանաբանական այգին փոքրիկների համար ուրախ ժամանցի բազմաթիվ միջոցառումներ է կազմակերպել: Մանուկների համար զվարճալի և ուսուցողական միջոցառումներն անցկացվում են այգու Հանրային տարածքում, որի մուտքն անվճար է», – նշվում է տարածած հաղորդագրությունում: Համերգային ծրագրին զուգահեռ երեխաներին կզվարճացնեն ծաղրածուները, հեքիաթների և մուլֆիլմերի տարբեր հերոսներ և աճպարարներ:
Նշվում է նաև, որ միջոցառումների կշարունակվեն մինչև երեկոյան 17:00:–0–