Չինաստանում խաղային հավելվածների վաճառքի արգելքը հանվել է

ԵՐԵՎԱՆ, 9 հունվարի. /ԱՌԿԱ/. Չինաստանը ժամանակավորապես հանել է խաղային հավելվածների վաճառքի արգելքը, որը սահմանվել էր 14 տարի առաջ դեռահասների հոգեկան վիճակը պաշտպանելու համար, հաղորդում է РБК–ն` հղում անելով Բի–բի–սիին։

ՉԺՀ իշխանությունները հայտնել են, որ արտասահմանյան ընկերությունները, որոնք կոնսոլներ են արտադրում Շանհայի նոր տնտեսական գոտու տարածքում, հնարավորություն կստանան վաճառել դրանք երկրի ամբողջ տարածքում` Մշակույթի նախարարության թույլտվությունը ստանալուց հետո։

Երկրի իշխանություններին մտահոգել է այն հանգամանքը, որ էլեկտրոնային խաղերին երկար ժամանակ հատկացնող դեռահասների առողջությունը վտանգված է։ Միաժամանակ, բազմաթիվ չինացիներ շրջանցում էին գոյություն ունեցող արգելքը` խաղալով օնլայն ծառայությունների և բջջային հավելվածների օգնությամբ։ Բացի այդ, երկրում գործում է սև շուկա, որտեղ կարելի է խաղային հավելվածներ գնել։

Այժմ փորձագետները գուշակում են, թե ով կբացի հավելվածների արտադրության առաջին օրինական գործարանը չինացի ժողովրդի համար։ Տարբեր գնահատականներով, Microsoft–ն առայժմ այդ մրցավազքում առաջ է անցնում իր հիմնական մրցակիցներից` Sony–ից և Nintendo–ից։ -0-