«Վկոնտակտեն» Apple–ի պահանջով սահմանափակել է iPhone–ի համար հավելվածում երաժշտություն լսելը ԿՈՆՏԱԿՏ, ԵՐԱԺՇՏՈՒԹՅՈՒՆ, ԱՐԳԵԼԱՓԱԿՈՒՄ, ԵՐԵՎԱՆ, մայիսի 27. /ԱՌԿԱ/. «Վկոնտակտե» սոցցանցի ղեկավարությունը ջնջել է ֆոնային ռեժիմով երաժշտություն լսելու հնարավորությու
ԵՐԵՎԱՆ, մայիսի 27. /ԱՌԿԱ/. «Վկոնտակտե» սոցցանցի ղեկավարությունը ջնջել է ֆոնային ռեժիմով երաժշտություն լսելու հնարավորությունը iPhone–ի համար հավելվածում, հաղորդում է ՏԱՍՍ–ը։ Apple–ը նման պայման է դրել, որպեսզի սոցիալական ցանցի հավելվածի նոր տարբերակն անցնի մոդերացիա և հասանելի լինի` խանութում iPhone–ի համար հավելվածներ ներբեռնելու համար, գրում է «Իզվեստիա» թերթը։
«Վերջին տարբերակում (հավելվածի) անջատված է ֆոնում երաժշտություն լսելու ծառայությունը։ Դա եղել է Apple–ի պարտադիր պայմանը, որպեսզի թարմացումն անցնի մոդերացիա App Store–ում»,– ասել է «Վկոնտակտեի» մամուլի քարտուղար Գեորգի Լոբուշկինը։
«Սակայն մոտ ապագայում մենք նախատեսում ենք վերադաձնել այդ հնարավորությունը նոր գործառույթներ թողարկելիս` կապված ֆոնային ռեժիմում երաժշտություն լսելու հետ»,– ընդգծել է նա։
«Վկոնտակտեից» երաժշտություն լսելու հնարավորությունը, երբ էկրանին երևում է բոլորովին այլ հավելված կամ երբ iPhone–ի էկրանը հանգած է, փաստացի կերպով սմարթֆոնը վերածում էր աուդիոփլեերի։-0-