Օրանժ Արմենիան առաջարկում է գունավոր բջջային հեռախոսների նոր տեսականի
ԵՐԵՎԱՆ, 4 մարտի. /ԱՌԿԱ/. Գարնան տոներին ընդառաջ՝ Orange-ն ընդլայնել է բջջային հեռախոսների տեսականին՝ ավելացնելով նոր գունավոր մոդելներ, հայտնում է ընկերության մամուլի ծառայությունը։
Այս տարի թողարկված Samsung Galaxy A3 և Samsung Galaxy A5 բարձրակարգ սմարթֆոններն արդեն վաճառքում են՝ ավանդական սև և սպիտակ գույներից բացի նաև ոսկեգույն և վարդագույն երանգներով:
«Տոնական միամսյակի կապակցությամբ սիրելի կանանց և աղջիկների համար նվեր ընտրելու ժամանակն է: Հեռախոսների տեսականին թարմացնելիս հատուկ ուշադրություն ենք դարձրել վարդագույն և ոսկեգույն երանգներին, քանի որ դրանք հատկապես կհետաքրքրեն և կուրախացնեն գեղեցիկ սեռի ներկայացուցիչներին: Նոր գունավոր մոդելները հասանելի են թե՛ երևանյան, թե՛ մարզային վաճառքի սրահներում: Ունիվերսալ փաթեթներին միանալիս այս սմարթֆոնների կարելի ձեռք բերել հատուկ գնով և տարաժամկետ վճարման պայմաններով »,- նշել է Օրանժ Արմենիայի Մարքեթինգի տնօրեն Տիգրան Սաֆարյանը:
Orange Ունիվերսալ 4 սակագնային պլաններից մեկին միանալիս բաժանորդները ստանում են րոպեներ տեղական բոլոր ցանցեր, ԱՄՆ և Կանադա զանգերի համար, գերարագ ինտերնետի հազարավոր ՄԲ-եր, ինչպես նաև SMS փաթեթներ:
Բջջային հեռախոսների տեսականին և նոր սմարթֆոնների մանրամասները հասանելի են http://www.orangearmenia.am/mobile/every-month/universal/index.php#universal-2 կայքում:
Orange Armenia-ն France Telecom–ի (ապրանքանիշը` Orange) նախկին 100 տոկոսանոց դուստրն է, հայկական շուկա է դուրս եկել 2009 թ.–ի նոյեմբերի 5–ին։ Նախորդ տարվա սեպտեմբերին փոխվել է ընկերության հիմնական բաժնետերը, ինչի արդյունքում Orange Armenia–ի 100 տոկոս բաժնետոմսերը փոխանցվել են նոր սեփականատիրոջը` «Ucom» ԲԲԸ–ին։–0–