Հայաստանից մոտ 60 հազար նոր օգտատեր է գրանցվել Facebook–ում 2014 թ.–ին. փորձագետ
ԵՐԵՎԱՆ, 13 հունվարի. /ԱՌԿԱ/. Հայաստանից մոտ 60 հազար նոր օգտատեր է գրանցվել Facebook–ում 2014 թ.–ին, երեքշաբթի լրագրողներին տեղեկացրեց տեղեկատվական անվտանգության փորձագետ Սամվել Մարտիրոսյանը։
«Ցավոք, դրանք հիմնականում այն մարդիկ են, ովքեր դեռ չեն սովորել օգտվել Facebook սոցցանցից, և բնական է` նրանք հաճախ ենթարկվում են հակերական գրոհների և վիրուսներ են տարածում», – ասաց Մարտիրոսյանը։
.Այս կապակցությամբ նա ընդգծեց, որ եկել է ժամանակը, որպեսզի հայ օգտատերերը սովորեն սոցցանցերից օգտվելու կանոնները։
«Օրինակ, շատ երկրներում դա տեղի է ունենում սոցիալական գովազդի միջոցով», – ավելացրեց նա։
Փորձագետը նաև ընդգծեց, որ ուսուցման կարիք ունեն հիմնականում ավելի մեծ տարիքի մարդիկ։
Facebook սոցցանցի ակտիվ օգտատերերի թիվը դեկտեմբերին կազմել է 740 հազար` 2014 թ.–ի հոկտեմբերի համեմատ ավելանալով 60 հազարով։–0–