Ucom–ի որոշ բաժանորդներ միացել էին հարևան երկրներից մեկի ռոմինգ ծառայությանը. ընկերությունը պարզաբանել է Արմավիրում և Արարատում գրանցված խափանումների պատճառը
ԵՐԵՎԱՆ, 12 ապրիլի./ԱՌԿԱ/. Անցած հանգստյան օրերի վատ եղանակային պայմանների պատճառով Ucom ընկերության որոշ բազային կայաններ Արմավիրի և Արարատի մարզերում հոսանքազրկվել էին, ինչի հետևանքով մի շարք սահմանամերձ բնակավայրերում Ucom շարժական կապի բաժանորդները միացել էին հարևան երկրներից մեկի ռոմինգ ծառայությանը և ստացել էին համապատասխան ծանուցումներ, հայտնում են Ucom ընկերության մամուլի ծառայությունը։
«Ucom ընկերության տեխնիկական թիմի օպերատիվ աշխատանքի արդյունքում կայանների Էլեկտրասնուցումն անմիջապես վերականգնվել է, ծառայությունների մատուցումը շարունակական է», – նշել են Ucom–ից։
Ucom հայկական ընկերությունը (Universal Communications) հիմնադրվել է 2007թ.–ին։ Ucom–ը, լինելով Հայաստանի հեռահաղորդակցական շուկայի առաջատարներից մեկը, տրամադրում է ոլորտի ծառայությունների ամբողջ շրջանակը` գերարագ սիմետրիկ ինտերնետ, IP հեռուստատեսություն, թվային հեռախոսակապ։–0–