Ucom–ի ցանցում ներդրվել են հավելվալ ռեսուրսներ` որակի ապահովման համար. Ucom–ը` ձայնային ծառայություններից օգտվողների մոտ գրանցված կարճատև անհարմարության մասին
ԵՐԵՎԱՆ, 25 փետրվարի./ԱՌԿԱ/. Ucom ընկերությունը հայտարարություն է տարածել ցանցում առկա խափանումների վերաբերյալ։
Ucom ընկերության ձայնային ծառայություններից օգտվող բաժանորդները կարճատև անհարմարություն են ունեցել տվյալների փոխանցման և որոշ դեպքերում նաև ձայնային ծառայություներից օգտվելիս։
«Այս պահին ցանցի հնարավորություններն ընդլայնված են, ներդրվել են հավելյալ ռեսուրսներ որակի ապահովման համար։ Աշխատանքն իրականացվել է Ucom և Ericsson ընկերությունների տեխնիկական մասնագետների գործակցությամբ։ Հայցում ենք Ձեր ներողամտությունը», – նշել են Ucom ընկերությունից։
Նշենք, որ այսօր Ucom–ի որոշ բաժանորդներ տվյալների փոխանցման և ձայնային ծառայությունների հետ կապված խնդիրներ ունեին։
Ucom հայկական ընկերությունը (Universal Communications) հիմնադրվել է 2007թ.–ին։ Ucom–ը, լինելով Հայաստանի հեռահաղորդակցական շուկայի առաջատարներից մեկը, տրամադրում է ոլորտի ծառայությունների ամբողջ շրջանակը` գերարագ սիմետրիկ ինտերնետ, IP հեռուստատեսություն, թվային հեռախոսակապ։–0–