Մայքրոսոֆթը Հայաստանում հայտարարում է Seedstars մրցույթի մասնակցության հայտերի ընդունում
ԵՐԵՎԱՆ, 31 մայիսի. /ԱՌԿԱ/. Մայքրոսոֆթ ինովացիոն կենտրոն Հայաստանը հայտարարում է Շվեյցարիայում նախատեսված Seedstars World միջազգային մրցույթի մասնակցության հայտերի ընդունում, հաղորդում է Մայքրոսոֆթի մամուլի ծառայությունը։
Seedstars World-ը սթարթափերի էքսկլյուզիվ մրցույթ է զարգացող շուկաների և արագ զարգացող ձեռնարկատիրական էկոհամակարգերի համար։
Լավագույն 10 ստարտափերը կմասնակցեն Seedstars Երևան սթարթափերի տեղական փուլին, որը տեղի կունենա 2016 թ. հունիսի 25-ին Հայաստանի ամերիկյան համալսարանում:
Մրցույթի հաղթողը հնարավորություն կստանա ներկայացնելու իր պրոդուկտը Շվեցիարիայում կայանալիք Seedstars համաշխարհային մրցույթին: Համաշխարհային մրցույթի հաղթողը կստանա մինչև 500,000 ԱՄՆ դոլար ֆինանսավորում:
Տարածաշրջանային հաղթողները կստանան տարբեր մրցանակներ՝ այդ թվում մենթորների, հաջողակ ձեռներեցների և այլ ներդրողների կողմից խորհրդատվություն, աքսելերացիայի ծրագրերում մասնակցություն և այլ ծառայություններ:
Seedstars Երևան սթարթափերի մրցույթին մասնակցելու համար անհրաժեշտ է լրացնել դիմում-հայտ կայքում։
Մրցույթի տեղական փուլի կազմակերպման հովանավորներն են ԲեթԿոնստրակտ ընկերությունը և Շվեյցարիայի դեսպանատունը Հայաստանում։–0–