USD
381.43
EUR
440.89
RUB
4.8627
GEL
141.17
2025 թ. դեկտեմբերի 1, երկուշաբթի
եղանակը
Երևանում
+1

Երևանի մի բնակչուհի ավտոմեքենա է շահել «ԱրմենՏելի» վիճակախաղով

28.04.2012, 16:43
Երևանի մի բնակչուհի Chevrolet New Aveo ավտոմեքենա է շահել «ԱրմենՏել» ընկերության «Գարնանային ոգեշնչանք» վիճակախաղով, շաբաթ օրը «ԱՌԿԱ» գործակալությանը հայտնեցին ընկերության լրատվական ծառայությունից:
Երևանի մի բնակչուհի ավտոմեքենա է շահել «ԱրմենՏելի» վիճակախաղով
ԵՐԵՎԱՆ, 28 ապրիլի. /ԱՌԿԱ/. Երևանի մի բնակչուհի Chevrolet New Aveo ավտոմեքենա է շահել «ԱրմենՏել» ընկերության «Գարնանային ոգեշնչանք» վիճակախաղով, շաբաթ օրը «ԱՌԿԱ» գործակալությանը հայտնեցին ընկերության լրատվական ծառայությունից: 

«Գարնանային ոգեշանք» վիճակախաղն իրականացվում էր «ԱրմենՏել» ընկերության կողմից կանխվճարային համակարգի ֆիզիկական անձ հանդիսացող բաժանորդների համար սույն թվականի մարտի 20-ից: Օգտվելով Beeline բջջային կապի ծառայություններից  և պարզապես լիցքավորելով  բջջային հեռախոսի հաշվեկշիռը՝ բաժանորդները հնարավորություն էին ստանում շահել ավտոմեքենա: 

Հանդիսավոր արարողության ժամանակ «ԱրմենՏել» ՓԲԸ Գլխավոր տնօրեն Իգոր Կլիմկոն վիճակախաղի հաղթողին հանձնեց ավտոմեքենայի բանալիները: 

«ԱրմենՏել» ՓԲԸ-ն (ապրանքանիշը՝ Beeline) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմը» հանդիսանում է աշխարհի խոշորագույն ինտեգրված օպերատորներից մեկը, որն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման,  այնպես էլ լայնաշերտ ինտերնետ հասանելիության ծառայություններ: –0-