Հայաստանում մեկնարկել է ռուսաց լեզվի դասախոսների և մանկավարժների համար նախատեսված սեմինարը (ՖՈՏՈ)

ԵՐԵՎԱՆ, 29 հոկտեմբերի./ԱՌԿԱ/. Հոկտեմբերի 27-ին Հայաստանի Հանրապետությունում բացվեց ռուսաց լեզվի ուսուցիչների և դասախոսների համար նախատեսված եռօրյա գիտական-մեթոդաբանական սեմինարը, որը կազմակերպվել էր Ռոսսոտրուդնիչեստվոյի նախաձեռնությամբ:
Սեմինարին, որին մասնակցում է ավելի քան 150 մանկավարժ, ներկա են պատվիրակություններ Հայաստանի բոլոր մարզերից, այդ թվում՝ ամենահեռավոր մարզերից, որտեղ ռուսաց լեզուն և մշակույթը պահպանելը շատ ավելի դժվար է, քան խոշոր կենտրոններում։



Սեմինարին ժամանել են նաև պատվիրակություններ Վրաստանից և Լեռնային Ղարաբաղի Հանրապետությունից։ Սեմինարի մասնակիցների համար վարպետության դասեր, դասախոսություններ, թրեյնինգներ, խորհրդատվություններ են անցկացնում ռուս մասնագետներ, որոնց թվում են բանասերներ, մեթոդիստներ, պրակտիկ ուսուցիչներ, ռուսաց լեզվի վերաբերյալ ուսումնական հրապարակումների հեղինակներ:

Ողջույնի խոսքով ներկաներին դիմեցին Երևանի Ռուսական տան աշխատակից Տատյանա Դրոնսկայան, վրացի հրապարակախոս և հասարակական գործիչ Թեմուր Պիպիան, Հումանիտար կրթության և թեստավորման ինստիտուտի տնօրեն Տատյանա Կրուգլովան։
Ռուսաց լեզվի դասախոսների և ուսուցիչների համար գիտական-մեթոդաբանական սեմինարի շրջանակում տեղի ունեցավ «Արտադասարանական և խմբակային աշխատանքը և դրա դերը ռուսաց լեզվի ուսումնասիրման նկատմամբ մոտիվացիայի բարձրացման հարցում» սեկցիայի նիստը՝ մանկավարժական գիտությունների թեկնածու, Մոսկվայի թիվ 625 դպրոցի բաժնի վարիչ Լիլիա Զաբրոդինայի ղեկավարությամբ:



Հոկտեմբերի 27-ին տեղի ունեցավ շնորհալի երեխաների հետ աշխատանքի հնարավորություններին նվիրված վարպետության դաս, որը վարում էր մանկավարժական գիտությունների թեկնածու, «Սիրտը տալիս եմ երեխաներին» լրացուցիչ պրոֆեսիոնալ կրթության մանկավարժների համառուսական մրցույթի բացարձակ հաղթող Ալյոնա Ժուկովան:



Հոկտեմբերի 28-ին տեղի ունեցավ «Ռուսական էլեկտրոնային ռեսուրսները ռուսաց լեզվի ուսումնասիրման համար» սեկցիայի նիստը։ Առանձնահատուկ ուշադրություն է դարձվել հանրությանը հասանելի վերիֆիկացիոն կրթական ռեսուրսներին, որոնք ստեղծվել են ռուսական առաջատար բուհերի և գիտական կազմակերպությունների կողմից և լավ համբավ ունեն ՌԴ-ի կրթական գործընթացում: Ամենահեղինակավոր ուսուցիչների, միջազգային հեղինակավոր մրցույթների դափնեկիրների ելույթներում նշվեց սեմինարի անցկացման արդիականությունը հասարակական գիտակցության բևեռացման, հակասությունների սրման պայմաններում, երբ Ռուսաստանից աջակցության խոսքը շատ կարևոր և նշանակալից է ռուսաց լեզվի ուսուցիչների համար։-0-

Նյութը կրում է գովազդային բնույթ