Ադրբեջանցի հակերները սպառնում են կոտրել հայկական լրատվական գործակալությունների կայքերը
14.06.2012,
11:24
Ադրբեջանական հակերական Azerbaijan Black Hats խումբը սպառնում է գրոհել հայկական լրատվական գործակալությունների կայքերի վրա:
ԵՐԵՎԱՆ, 14 հունիսի. /ԱՌԿԱ/. Ադրբեջանական հակերական Azerbaijan Black Hats խումբը սպառնում է գրոհել հայկական լրատվական գործակալությունների կայքերի վրա:
Համապատասխան նախազգուշացումը շատ վատ ռուսերենով հակերները թողել են Հայկական պետական մանկավարժական համալսարանի՝ իրենց կոտրած կայքում:
Այնտեղ նաև վիրավորանք է գրված տեղեկատվական անվտանգության հայ փորձագետ Սամվել Մարտիրոսյանի հասցեին:
Նախօրեին հակերները կոտրել էին պետական «Արմենպրես» գործակալության և ԱրմենՏել ընկերության (Beekine) կայքերը:
«Արմենպրեսի» տնօրեն Արամ Անանյանը հայտնեց, որ կայքի աշխատանքը վերականգնվել է օպերատիվ կերպով:
ԱրմենՏել ընկերության հասարակայնության հետ կապերի ծառայության ղեկավար Անուշ Բեղլոյանը նշեց, որ պատահածը չի կարելի անվանել հակերային նեթափանցում բառի լայն իմաստով, քանի որ կայքի ներքին տեղեկատվությունը և ներքին բազան պահպանվել են:
Ներկայումս «Նովոստի-Արմենիա» գործակալությունը փորձում է լրացուցիչ տեղեկատվություն ստանալ:--0--