Bloomberg-ը հայտնում է նոր iPhone-ների շնորհանդեսի և վաճառքի ամսաթիվը
27.08.2024,
13:26
Apple–ը նաև ակտիվացրել է M4 պրոցեսորով Mac–ի չորս նոր մոդելների թեստավորումը
ԵՐԵՎԱՆ, 27 օգոստոսի․/ԱՌԿԱ/․ Ամերիկյան Apple Inc․–ը նախատեսում է սեպտեմբերի 10–ին ներկայացնել նոր iPhone–ը, «խելացի» ժամացույցն ու AirPods ականջակալները, գրում է Bloomberg–ը՝ հղում անելով իրազեկ աղբյուրներին։
Ընկերությունը նախապատրաստվում է այդ ամսաթվին, իսկ նոր սմարթֆոնների վաճառքը կմեկնարկի սեպտեմբերի 20–ին, հայտնում է Ինտերֆաքսը։
Apple–ը նաև ակտիվացրել է M4 պրոցեսորով Mac–ի չորս նոր մոդելների թեստավորումը՝ կողմնակի հավելվածների հետ նրանց համատեղելիությունն ապահովելու համար, նշում է գործակալությունը՝ հղում անելով թեստավորումները լուսաբանող ամսագրերին։
Նոր Mac–երը սովորաբար թողարկվում են iPhone–ից հետո մեկ ամիս անց։