Twitter-ը վերացրել է հաղորդագրությունների հետ միասին լուսանկարների ներբեռնման գործառույթի անսարքությունները

ԵՐԵՎԱՆ, 6 սեպտեմբերի. /ԱՌԿԱ/. Twitter միկրոբլոգների ծառայությունը վերականգնել է այն գործառույթների աշխատանքը, որոնք թույլ են տալիս հաղորդագրությունների հետ միասին լուսանկարներ ներբեռնել, տեղեկացնում է ծառայության բլոգը, հաղորդում է «ՌԻԱ Նովոստին»:

Ավելի վաղ՝ մոսկովյան ժամանակով կեսգիշերից քիչ ավելի ուշ, ծառայությունը տեղեկացրել է, որ մի շարք օգտատերեր դժվարություններ են ունեցել թվիտների հետ լուսանկարների ներբեռնելիս:  

«Տվյալ խնդիրը վերացվել է»,- ասվում է պաշտոնական բլոգի հաղորդագրության մեջ, որը գրանցում է Twitter-ի աշխատանքի խնդիրները:

Վերջին մի քանի ժամվա ընթացքում սա արդեն երկրորդ նման միջադեպն է: Չորեքշաբթի Մոսկվայի ժամանակով 19.35-ին, Twitter-ը համանման նախազգուշացում է հրապարակել, և շուտով նշում է հայտնվել, որ խնդիրը վերացվել է: Սակայն ավելի ուշ պարզվել է, որ լուսանկարների ներբեռնման հետ կապված դժվարությունները պահպանվում են, դրանից հետո նախազգուշացումը կրկին հայտնվել է:

Twitter-ի ակտիվ լսարանը ողջ աշխարհում հաշվառում է ավելի քան 200 մլն մարդ: Semiocast վերլուծական ընկերության վիճակագրության համաձայն, միկրոբլոգների ծառայության ռուսալեզու հատվածի ակաունտների թիվը կազմում է շուրջ 8 մլն: -0-