Վիկիմեդիայի հիմնադրամի ներկայացուցչություն առաջիկայում կարող է բացվել Հայաստանում
ԵՐԵՎԱՆ, 5 սեպտեմբերի. /ԱՌԿԱ/. Վիկիմեդիայի հիմնադրամի պաշտոնական ներկայացուցչություն, հնարավոր է, բացվի Հայաստանում առաջիկայում, հայտնեց Հայաստանում Վիկիմեդիայի զարգացման համակարգող Սուսաննա Մկրտչյանը չորեքշաբթի «Նովոստի» միջազգային մամուլի կենտրոնում։
«Մենք արդեն բանակցություններ ենք վարում Վիկիմեդիայի համաշխարհային հիմնադրամի և Հայաստանի կառավարության հետ երկրում հիմնադրամի պաշտոնական ներկայացուցչության բացման մասին։ Արդեն պատրաստ է Վիկիմեդիա–Հայաստան հիմնադրամի կանոնադրությունը։ Կարծում եմ, որ հիմնադրամը կհիմնվի Հայաստանում առաջին վիկի–կոնֆերանսի ավարտից հետո»,– ասաց նա։
Հայկական Վիկի հանրությունը և «ԱրմենՏել» ընկերությունը Համաշխարհային Վիկիմեդիա հիմնադրամի հետ համատեղ սեպտեմբերի 8-9–ը Երևանում կանցկացնեն Հայաստանում առաջին Վիկի–կոնֆերանսը։
Մկրտչյանի խոսքով, կոնֆերանսում կքննարկվեն Վիկիպեդիա հանրագիտարանի հայալեզու բովանդակության զարգացման, տեղական մակարդակում «Վիկի» գործիքների և տեխնոլոգիաների կիրառման հետ կապված հարցեր։
2012 թվականի օգոստոսի դրությամբ Վիկիմեդիայի տեղական հիմնադրամներ են գործում աշխարհի 50 երկրներում, ավելի քան 30 երկրներ բանակցություններ են վարում տեղական ներկայացուցչությունների բացման վերաբերյալ։
Առաջիկա կոնֆերանսին մասնակցելու ցանկություն են հայտնել հայկական ինտերնետ–հանրության ավելի քան 250 ներկայացուցիչներ, այդ թվում` գիտնականներ, հայկական և արտասհամանյան բուհերի դասախոսներ և կրթության ոլորտում Ինկտերնետ–տեխնոլոգիաների կիրառմամբ շահագրգիռ այլ անձինք։
Միջոցառմանը կմասնակցեն համաշխարհային Վիկիմեդիա Հաիմնադրամի, ինչպես նաև Հունգարիայի, Վրաստանի և Ռուսաստանի Վիկիմեդիաների հիմնադրամների ներկայացուցիչներ։
Կոնֆերանսի շրջանակներում կքննարկվեն Վիկիպեդիա հանրագիտարանի հայալեզու բովանդակության զարգացման, տեղական մակարդակում «Վիկի» գործիքների և տեխնոլոգիաների կիրառման հետ կապված հարցեր։ Մասնավորապես, միջոցառման մասնակիցները կքննարկեն աշատ տեղեկատվության և ծրագրային ապհովման տարածման, հեղինակային իրավունքների պաշտպանության, ինչպես նաև աշխարհի խոշորագույն էլեկտրոնային հանրագիտարանի գիտելիքների հայալեզու բազայի ավելացման և դրա զարգացման գործում հայ երիտասարդների ներգրչավման խնդիրները։ -0-