Թուրքիայի իշխանություններն արգելափակել են Google–ի DNS-ծառայությունը
24.03.2014,
18:58
Թուրքիայի իշխանություններն արգելափակել են Google որոնողական համակարգի DNS-ծառայությունը, որը տեղի բնակիչներն օգտագործում էին Twitter մուտք գործելու արգելքը շրջանցելու համար, հաղորդում է Bloomberg–ը` վկայակոչելով տեղական մամուլին։
ԵՐԵՎԱՆ, 24 մարտի. /ԱՌԿԱ/. Թուրքիայի իշխանություններն արգելափակել են Google որոնողական համակարգի DNS-ծառայությունը, որը տեղի բնակիչներն օգտագործում էին Twitter մուտք գործելու արգելքը շրջանցելու համար, հաղորդում է Bloomberg–ը` վկայակոչելով տեղական մամուլին։
Թուրքիայի վարչապետ Ռեջեփ Թայիփ Էրդողանի գրասենյակը հայտարարություն է տարածել, որում պարզաբանվում է, թե Twitter–ի դեմ «կանխարգելիչ քայլերն» ընդունվել են անօրինական ձեռք բերած և կեղծված գրառումների հրապարակման վերաբերյալ դատական հարյուրավոր որոշումների խախտումներին ի պատասխան։
Հայտարարության համաձայն, իշխանությունները կհանեն Twitter–ից օգտվելու արգելքը, երբ այդ ընկերությունը կատարի երկրի պահանջները։ Փակման վտանգի տակ են Facebook–ն ու YouTube–ը, որի օգտագործողները Twitter–ից տեսանյութեր և գրառումներ են տարածում։
Twitter–ը դարձել էր գլխավոր հարթակ, որտեղ տեղադրվում էին Թուրքիայում կոռուպցիոն սկանդալի հետ կապված նյութերն ու փաստաթղթերը, ինչն Էրդողանը համարում է իր և իր մոտ շրջապատի դեմ ուղղված արշավ։ Բացի այդ, կայքը դերակատարում ուներ Ստամբուլում 2013 թվականի հակակառավարական բողոքի ցույցերի կազմակերպման ժամանակ, ինչը նույնպես վարչապետի դժգոհության պատճառ էր դարձել։
Թուրքիայի վարչապետ Ռեջեփ Թայիփ Էրդողանի գրասենյակը հայտարարություն է տարածել, որում պարզաբանվում է, թե Twitter–ի դեմ «կանխարգելիչ քայլերն» ընդունվել են անօրինական ձեռք բերած և կեղծված գրառումների հրապարակման վերաբերյալ դատական հարյուրավոր որոշումների խախտումներին ի պատասխան։
Հայտարարության համաձայն, իշխանությունները կհանեն Twitter–ից օգտվելու արգելքը, երբ այդ ընկերությունը կատարի երկրի պահանջները։ Փակման վտանգի տակ են Facebook–ն ու YouTube–ը, որի օգտագործողները Twitter–ից տեսանյութեր և գրառումներ են տարածում։
Twitter–ը դարձել էր գլխավոր հարթակ, որտեղ տեղադրվում էին Թուրքիայում կոռուպցիոն սկանդալի հետ կապված նյութերն ու փաստաթղթերը, ինչն Էրդողանը համարում է իր և իր մոտ շրջապատի դեմ ուղղված արշավ։ Բացի այդ, կայքը դերակատարում ուներ Ստամբուլում 2013 թվականի հակակառավարական բողոքի ցույցերի կազմակերպման ժամանակ, ինչը նույնպես վարչապետի դժգոհության պատճառ էր դարձել։