Տասնամյա ֆինլանդացին օգնել է Instagram-ին գտնել խոցելիությունը
ԵՐԵՎԱՆ, 4 մայիսի. /ԱՌԿԱ/. Յանի անունով տասնամյա բնակիչը ստացել է 10 հազար դոլարի մրցանակ, քանի որ օգնել է հայտնաբերել Instagram սոցիալական ցանցի խոցելիությունը, հաղորդում է Ինտերֆաքսը:
Ինչպես հաղորդում է BBC-ն, տղան, ով օրենքով չափազանց պատանի է նույնիսկ սոցիալական ցանցում գրանցվելու համար, այնտեղ բագ է հայտնաբերել, որը թույլ է տալիս ջնջել այլ օգտատերերի մեկնաբանությունները:
Ծառայության սեփականատեր հանդիսացող Facebook ընկերության հայտարարության համաձայն, թերությունը արագ վերացվել է: Դրանից հետո Յանին ստացել է իր մրցանակը:
Տղան սոցիալական ցանցի թերությունը հայտնաբերել է դեռ փետրվարին, ինչի մասին հայտնել է վերջինիս հեղինակներին: Նրա համար ստեղծվել է հատուկ թեստային էջ, որից օգտվելով, տղան ապացուցել է, որ ցանցի անվտանգության համակարգում այդ թերությունն իսկապես առկա է: -0-