USD
381.43
EUR
440.89
RUB
4.8627
GEL
141.17
2025 թ. դեկտեմբերի 1, երկուշաբթի
եղանակը
Երևանում
-1

Ստեփանակերտում կայացել է ԼՂՀ տուրիզմի վարչության նոր կայքի շնորհանդեսը

25.12.2012, 17:00
Երեքշաբթի Ստեփանակերտում տեղի է ունցել ԼՂՀ կառավարությանն առընթեր Զբոսաշրջության և պատմական միջավայրի պահպանման վարչության նոր պաշտոնական կայքի (www.karabakh.travel) շնորհանդեսը, Ղարաբաղի մայրաքաղաքից հաղորդում է «ԱՌԿԱ» գործակալության թղթակիցը։
Ստեփանակերտում կայացել է ԼՂՀ տուրիզմի վարչության նոր կայքի շնորհանդեսը

ՍՏԵՓԱՆԱԿԵՐՏ, 25 դեկտեմբերի. /ԱՌԿԱ/. Երեքշաբթի Ստեփանակերտում տեղի է ունցել ԼՂՀ կառավարությանն առընթեր Զբոսաշրջության և պատմական միջավայրի պահպանման վարչության նոր պաշտոնական կայքի (www.karabakh.travel) շնորհանդեսը, Ղարաբաղի մայրաքաղաքից հաղորդում է «ԱՌԿԱ» գործակալության թղթակիցը։

Կայքում տեղադրված են Լեռնային Ղարաբաղի Հանրապետության մասին պատմող նյութեր, Ղարաբաղի քարտեզը, զբոսաշրջության տարբեր տեսակներ, Արցախի տեսարժան վայրերի և ազգային խոհանոցի, թանգարանների, թատրոնների, ռեստորանների և սրճարանների, հանգստյան վայրերի, հյուրանոցների և հյուրատների մասին տեղեկատվություն, ինչպես նաև Ղարաբաղ մեկնելուց առաջ զբոսաշրջիկների համար նախատեսված գործնական տեղեկություն։

Նոր կայքն ունի նաև լուսանկարներ և տեսանյութեր, Ղարաբաղի մասին պատմող բրոշյուրներ, Արցախի զբոսաշրջության մասին պատմող նորություններ և հոդվածներ և զբոսաշրջիկների գրած պատմությունները։

ԼՂՀ տուրիզմի վարչության կայքը հասանելի է հայերեն, ռուսերեն և անգլերեն լեզուներով։ –0–