.рф գոտում դոմեյնների թիվը 2011թ.-ի դեկտեմբերից կրճատվել է 18%-ով

ԵՐԵՎԱՆ, 2 մարտի. /ԱՌԿԱ/.  Փետրվարի վերջին ավարտված՝ պահանջարկ չունեցող անունների հեռացման արդյունքներով՝ .рф գոտում դոմեյնների քանակը 18 տոկոսով կրճատվել է, ուրբաթ հաղորդում է ինտերնետ ցանցի ազգային դոմեյնի համակարգող կենտրոնը:

Այն դոմեյնային անունների հեռացումը, որոնց տերերը չեն երկարաձգել գրանցումը, սկսվել է 2011թ.-ի վերջին: Ամեն շաբաթ  հեռացվել է շուրջ 40 հազար անուն: Անունների հեռացումն ավարտվել է փետրվարի վերջին, հաղորդում է ՌԻԱ Նովոստին:

.рф գոտում իրականացված հեռացումների արդյունքում 170 հազար անուն է պակասել: Ավելի վաղ փորձագետները կանխատեսում էին, որ առաջին տարուց հետո՝ անցած բաց գրանցման սկզբից,  .рф-ի անունների քանակը կկրճատվի ամենաքիչը  250 հազար դոմեյնով:

.рф գոտու անունների առավելագույն քանակը գրանցվել է 2011թ.-ի դեկտեմբերի 28-ի դրությամբ՝ ավելի քան 954 հազար: Ներկա պահին գոտում կա ավելի քան 783 հազար անուն:

Ռուսաստանը .рф դոմեյնի համար հայտ է ներկայացրել ICANN կորպորացիային, որը 2009թ.-ի նոյեմբերից զբաղվում է դոմեյնային անունների տեղաբաշխմամբ: 2010թ.-ի մայիսին նոր դոմեյնային գոտի է հատկացվել Ռուսաստանին: Այսպիսով՝ .рф-ն աշխարհի առաջին դոմեյններից մեկն է դարձել, որը գրառելիս պետք է օգտագործել հենց ռուսերեն տառերը: 2010թ.-ի նոյեմբերի 11-ից .рф-ում կարողացել են դոմեյն գրանցել բոլոր ցանկացողները: -0-