Orange Armenia ընկերությունը մտադիր է Wi-Fi համակարգ տեղադրել 250 ավտոբուսում

ԵՐԵՎԱՆ, 5 նոյեմբերի. /ԱՌԿԱ/. Orange Armenia ընկերությունը մտադիր է անվճար Wi-Fi համակարգ տեղադրել Երևանի 250 ավտոբուսներում, երկուշաբթի կայացած ասուլիսի ժամանակ ասաց ընկերության գլխավոր տնօրեն Ֆրանսիս Ժելիբտերը։

Նա հիշեցրեց, որ Wi-Fi–ն արդեն գործում է 123 ավտոբուսում։
«Օրանժ Արմենիա» ընկերությունը, որը հայկական շուկայում սկսել է գործել 2009 թվականի նոյեմբերի 5-ից, Ֆրանս Տելեկոմի 100% դուստր ընկերությունն է: Օրանժը 83 տոկոս ծածկույթ է ապահովել և բջջային կապ ու համացանցի հասանելիություն՝ երկրի 500 համայնքներում (քաղաքներ և գյուղեր):--0-