Քվեարկության արդյունքները թույլ կտան Facebook-ին փոխել ծառայության կանոնները

ԵՐԵՎԱՆ, 11 դեկտեմբերի. /ԱՌԿԱ/. Facebook խոշորագույն սոցցանցի ղեկավարությունը կկարողանա հաշվի չառնել քվեարկության արդյունքները, որի ընթացքում օգտագործողների մեծամասնությունը դեմ է հանդես եկել ծառայության կանոնների փոփոխման առաջարկության դեմ, քանի որ քվեարկածների թիվը չի հասել պահանջվող նվազագույն թվին, վկայում են քվեարկության նախնական տվյալները, որոնք տեղադրվել են սոցցանցի կայքում:

Նախնական տվյալներով, ստուգման ենթակա անկախ աուդիտորների կողմից սերվիսի կանոններում ուղղումներին դեմ են քվեարկել հարցմանը մասնակցած 88 տոկոս օգտագործողներ (մոտ 589 հազար մարդ): Ընդամենը քվեարկությանը մասնակցել է մոտ 668 հազար օգտագործող, ինչը կազմում է մեկ միլիարդը գերազանցող ծառայության ընդհանուր լսարանի մեկ տասներորդ մասը: Քվեարկության պայմանների համաձայն, դրա արդյունքները պարտադիր ուժ ունեն միայն 30 տոկոսից ոչ պակաս ձայների դեպքում (300 միլիոն մարդ): 

Քանի որ քվեարկության մասնակիցների թիվը չի գերազանցել շեմը, օգտագործողների կամարտահայտումը փոփոխությունների կատարման ժամանակ կկրի միայն խորհրդատվական բնույթ: «Մենք կհրապարակենք արդյունքները և կառավարման գործընթացին վերաբերող հաջորդ քայլերն առաջիկայում»,- ասվում է  Facebook կայքի հաղորդագրությունում, հայտնում է ՌԻԱ Նովոստին: -0-