Օրանժ–Արմենիա ընկերությունը նվազեցրել է Ինտերնետ Հիմա 4 գերարագ մոդեմի գինը

ԵՐԵՎԱՆ, 15 մարտի. /ԱՌԿԱ/. Մարտի 15-ից Orange-ն իր` մինչև 42.2 Մբ/վ արագություն ապահովող Ինտերնետ Հիմա 4 մոդեմն առաջարկում է ձեռք բերել իջեցված գներով:

Ինչպես տեղեկացնում են ընկերության մամուլի ծառայությունից, Ինտերնետ Հիմա 11000 սակագնային պլանին 12 ամսով  բաժանորդագրվելու դեպքում Ինտերնետ Հիմա 4 մոդեմը կարելի է ձեռք բերել 9,000 դրամով, իսկ Ինտերնետ Հիմա 20,000 սակագնային պլանին 12 ամսով բաժանորդագրության դեպքում՝ ընդամենը 1 դրամով:

Orange-ի ցանցն ապահովում է մինչև 42.2Մբ/վ արագություն Երևանում, Գյումրիում, Վանաձորում և Էջմիածնում: Ցանցի մնացած ծածկույթում Orange-ը տեխնիկապես առաջարկում է մինչև 21.6 Մբ/վ արագություն:

Ինտերնետ Հիմա 4 մոդեմը կարելի է ձեռք բերել նաև առանց բաժանորդագրության՝ 59,000 դրամով: -0-