ԼՂՀ վարչապետը «Тwitter»–ի փոխնախագահին հրավիրել է Արցախ

ՍՏԵՓԱՆԱԿԵՐՏ, 22 ապրիլի. /ԱՌԿԱ/. Լեռնային Ղարաբաղի Հանրապետության վարչապետ Արա Հարությունյանը պաշտոնապես հրավիրել է «Тwitter» սոցիալական ցանցի փոխնախագահ Րաֆֆի Գրիգորյանին այցելել Արցախի Հանրապետություն, ասվում է ԼՂՀ–ի կառավարության ֆեյսբուքյան էջում։

«Գրիգորյանը հաճույքով ընդունել է ԼՂՀ վարչապետի հրավերը։ Քանի որ Twitter–ի փոխնախագահն արդեն ԱՄՆ–ում է, այցը կկայանա հաջորդ անգամ»,– նշվում է հաղորդման մեջ։

Twitter–ի փոխնախագահ, «Թումո» ստեղծարար տեխնոլոգիաների երևանյան կենտրոնի խորհրդի անդամ Րաֆֆի Գրիգորյանն ապրիլի 12–ից  Հայաստանում էր` «Թումոյի» հրավերով։ -0-