ՀՀ արդարադատության նախարարն առաջարկում է ԱՊՀ շրջանակներում երաշխավորագրերի էլեկտրոնային բազա ստեղծել
21.03.2013,
16:52
ՀՀ արդարադատության նախարար Հրայր Թովմասյանը մտադիր է ԱՊՀ երկրների արդարադատության նախարարների խորհրդի առաջիկա նիստի ընթացքում առաջարկել երաշխավորագրերի էլեկտրոնային բազա ստեղծել։
ԵՐԵՎԱՆ, 21 մարտի. /ԱՌԿԱ/. ՀՀ արդարադատության նախարար Հրայր Թովմասյանը մտադիր է ԱՊՀ երկրների արդարադատության նախարարների խորհրդի առաջիկա նիստի ընթացքում առաջարկել երաշխավորագրերի էլեկտրոնային բազա ստեղծել։
«Կան դեպքեր, երբ Ռուսաստանից կամ ԱՊՀ մյուս երկրներից կեղծ երաշխավորագրեր են գալիս, և միայն նոտարի փորձն է թույլ տալիս տարբերել դրանք»,– հինգշաբթի կառավարության նիստից հետո լրագրողներին ասաց Թովմասյանը։
Ըստ նրա` երաշխավորագրերի էլեկտրոնային բազա նախատեսվում է ստեղծել նաև Հայաստանում։
«Նոտարը կկարողանա մուտք գործել բազա և անմիջապես տեսնել, արդյո՞ք երաշխավորագիրը տրված է մեկ այլ նոտարի կողմից, թե՞ այն կեղծ է»,–ասաց Թովմասյանը, հաղորդում է telecom.arka.am հեռահաղորդակցական պորտալը։ –0–