Հայաստանում պետական գույքի օտարման աճուրդները կանցկացվեն նաև էլեկտրոնային ձևաչափով
01.11.2012,
18:07
Հայաստանի կառավարությունը հինգշաբթի նիստի ժամանակ լրացումներ է մտցրել իր նախկին որոշումներից մեկում, որոնց համաձայն` պետական գույքի օտարման աճուրդները կանցկացվեն նաև էլեկտրոնային ձևաչափով:
ԵՐԵՎԱՆ, 1 նոյեմբերի. /ԱՌԿԱ/. Հայաստանի կառավարությունը հինգշաբթի նիստի ժամանակ լրացումներ է մտցրել իր նախկին որոշումներից մեկում, որոնց համաձայն` պետական գույքի օտարման աճուրդները կանցկացվեն նաև էլեկտրոնային ձևաչափով:
Միաժամանակ օտարվող գույքի մեկնարկային գները կհաստատվեն գնահատված արժեքի 75 տոկոսի չափով:
Այսպիսով, աճուրդներն առավել թափանցիկ, հրապարակային կդառնան, գնորդների համար ավելի բարենպաստ պայմաններ կստեղծվեն: Բացի այդ, կկրճատվեն կոռուպցիոն ռիսկերը:
Աճուրդների էլեկտրոնային ձևաչափի ներմուծման շնորհիվ պետական գույքի օտարման գործընթացն էապես կբարելավվի: -0-